ପୁଣି କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ ସ୍ବାସ୍ଥ୍ୟ ଖରାପ, ଦିଲ୍ଲୀ ଏମସରେ ଭର୍ତ୍ତି

ଭୁବନେଶ୍ବର: ପୁଣି ଥରେ କେନ୍ଦ୍ର ଆଦିବାସୀ କଲ୍ୟାଣ ମନ୍ତ୍ରୀ ଜୁଏଲ ଓରାମଙ୍କ ସ୍ବାସ୍ଥ୍ୟ ଖରାପ ହୋଇଯାଇଛି। ସେ ଦିଲ୍ଲୀ ଏମସରେ ଭର୍ତ୍ତି ହୋଇଛନ୍ତି। ପୂର୍ବରୁ ତାଙ୍କୁ ଡେଙ୍ଗୁ ହୋଇଥିଲା।ହେଲେ ସେଥିରୁ ସେ ଭଲ ହୋଇ ଘରକୁ ଫେରିଥିଲେ। ଏବେ ପୁଣି ସ୍ବାସ୍ଥ୍ୟ ଖରାପ ହେବରୁ ତାଙ୍କୁ ହସପିଟାଲରେ ଚିକିତ୍ସା କରାଯାଉଛି। ତେବେ ବର୍ତ୍ତମାନ ତାଙ୍କ ସ୍ବାସ୍ଥ୍ୟ ଅବସ୍ଥା ସ୍ଥିର ରହିଥିବାର ଜଣାପଡିଛି।

ନିକଟରେ ତାଙ୍କର ପତ୍ନୀଙ୍କ ଦେହାନ୍ତ ହୋଇଯାଇଛି। ସେ ଭୁବନେଶ୍ବରରେ ଡେଙ୍ଗୁରେ ଆକ୍ରନ୍ତ ହୋଇ ଚିକିତ୍ସିତ ହେଉଥିଲେ। ହେଲେ ତାଙ୍କର ପେଟେଲେଟ ହ୍ରାସ ପାଇବାରୁ ଦେହାନ୍ତ ହୋଇଯାଇଛି। ପତ୍ନୀଙ୍କ ଶେଷକୃତ୍ୟ ଶେଷ କରି ଜୁଏଲ ଦିଲ୍ଲୀ ଫେରିଯାଇଥିଲେ।