ନେ,୮।୧୦- ତାରକା ମହିଳା ବ୍ୟାଡ୍ମିଣ୍ଟନ ଖେଳାଳି ସାଇନା ନେହ୍ବାଲ ଓ ପାରୁପଲ୍ଲୀ କଶ୍ୟପ ଆସନ୍ତା ଡିସେମ୍ବର ୧୬ ତାରିଖରେ ବିବାହ କରିବେ। ଏ ନେଇ ଲଣ୍ଡନ ଅଲିମ୍ପିକ ବ୍ରୋଞ୍ଜ ପଦକଧାରୀ ସାଇନା ସ୍ପଷ୍ଟ କରିଛନ୍ତି। ବିବାହ କରିବା ପାଇଁ ସମୟ ଆସିଯାଇଛି। ବ୍ୟସ୍ତବହୁଳ କାର୍ଯ୍ୟସୂଚୀରେ ଡିସେମ୍ବର ୧୬ ଏକମାତ୍ର ତାରିଖ, ଯେଉଁଦିନ କଶ୍ୟପଙ୍କୁ ବିବାହ କରିପାରିବି। ”ମୁଁ ଡିସେମ୍ବର ୨୦ ତାରିଖରୁ ପ୍ରିମିୟର ବ୍ୟାଡ୍ମିଣ୍ଟନ ଲିଗ୍ରେ ବ୍ୟସ୍ତ ହୋଇଯିବି। ତା’ ପରେ ଟୋକିଓ ଅଲିମ୍ପିକ୍ସ ଲାଗି ଯୋଗ୍ୟତା ପର୍ଯ୍ୟାୟ ଆରମ୍ଭ ହୋଇଯିବ। ଏଣୁ ବିବାହ କରିବା ପାଇଁ ୧୬ ତାରିଖ ହିଁ ଏକମାତ୍ର ଦିନ“ ବୋଲି ୨୮ ବର୍ଷୀୟ ସାଇନା ପୁନେଠାରେ କହିଛନ୍ତି। ୧୦ ବର୍ଷ ହେଲା ଲୁକାୟତ ରଖିବା ପରେ ସାଇନା ୨୦୦୭ଠାରୁ କଶ୍ୟପଙ୍କ ସହ ପ୍ରେମ ସମ୍ପର୍କ ଗଢି ଉଠିଥିବା କହିଛନ୍ତି।
ଡିସେମ୍ବର ୧୬ରେ ସାଇନା-କଶ୍ୟପଙ୍କ ବିବାହ ଉତ୍ସବ
