ବନବିଭାଗ ଓ ଚୋରା କାଠ ମାଫିଆଙ୍କ ଇଏ କି ସମ୍ପର୍କ !

କଳାହାଣ୍ଡି : କଳାହାଣ୍ଡି ଜିଲ୍ଲା ନର୍ଲା ରେଞ୍ଜ ଅଧୀନରେ ଥିବା ଚିପୁଲ ଠାରେ ଥିବା ଜାତୀୟ ଚାରା ଉଦ୍ୟାନ କେନ୍ଦ୍ରରେ ଚାଲିଛି ମୂଲ୍ୟବାନ ଗଛର ଚୋରାଚାଲାଣ । ଯେଉଁଠି ପରିବେକେୁ ସୁସ୍ଥ ରଖିବା ପାଇଁ ଏଠାରେ ଚାଲିଛି ସଚେତନା କିନ୍ତୁ ଏଠି ପାଠ ପଢୁଆ ବନବିଭାଗର ବାବୁ ଖୋଦ ନିଜେ ଏହାର ଉଲଙ୍ଘନ କରିବାରେ ପଛାଉନାହାଁନ୍ତି । ଏଠି ବନ ବିଭାଗ ଓ ଚୋରା କାଠ ମାଫିଆଙ୍କ ମଧ୍ୟରେ ଚାଲିଛି ସଲା ଶୁତରା । ବିଭିନ୍ନ ପ୍ରକାରର ମୂଲ୍ୟବାନ ଗଛ ଯେପରିକି ଶାଗୁଆନ, କାଜୁ ଭଳି ଗଛକୁ କାଟି କାଠ ମାଫିଆମାନେ କାଟି ନେଇଥିବାର ଅଭିଯୋଗ ହୋଇଥିବା ବେଳେ ତାର ପ୍ରମାଣ ନଷ୍ଯ କରିବାକୁ ଜେସିବି ଲଗାଇ ମାଟି ପକାଇ ପୋତାଯାଇଥିବାର ଅଭିଯୋଗ ହୋଇଥିଲା । ତେବେ ଏହି ସବୁ ଘଟଣାର ନର୍ଲା ରେଞ୍ଜ ଅଧୀକାରୀଙ୍କ ହାତ ଥିବାରୁ ଗଣମାଧ୍ୟମ ନର୍ଲା ରେଞ୍ଜ ଅଫିସରଙ୍କ ଠାରୁ ଏହାର ପ୍ରତିକ୍ରିୟା ନେବାକୁ ଚେଷ୍ଟା କରିଥିଲେ । ବାବୁ କିନ୍ତୁ ଗଣ ମାଧ୍ୟମ ଆଗରେ ପ୍ରତିକ୍ରିୟା ରଖିବାକୁ ମନା କରିଦେଲେ ।