କଂଗ୍ରେସର ପରିବର୍ତ୍ତନ ସମାବେଶରେ ରାହୁଲ କେନ୍ଦ୍ର ଓ ରାଜ୍ୟ ସରକାରଙ୍କୁ ସିଧା ଟାର୍ଗେଟ କଲେ !

ଭୁବନେଶ୍ୱର: କଂଗ୍ରେସର ପରିବର୍ତ୍ତନ ସମାବେଶରେ ରାଜ୍ୟରେ ନବୀନ ସରକାର କେନ୍ଦ୍ରରେ ନରେନ୍ଦ୍ର ମୋଦୀ ସରକାରଙ୍କୁ ତିବ୍ର ସମାଲୋଚନା କରିଛନ୍ତି । ଉଭୟ ନବୀନ ଓ ମୋଦୀ ଗୋଟାଏ ଚିନ୍ତା ଓ ଗୋଟିଏ କାର୍ଯ୍ୟ ବୋଲି ନିଜ ଅଭିଭାଷଣରେ ରଖିଛନ୍ତି । ଏହି ଦୁଇ ଦଳ କିଛି ଅମଲାଙ୍କୁ ଧରି ଶିଳ୍ପପତିଙ୍କ ଠାରୁ ଟଙ୍କା ଆଣି ନିର୍ବାଚନ ଲଢି ନଜର ପତିଆର ଜହିରି କରିବା ଏମାନଙ୍କର କାର୍ଯ୍ୟ । ଏହା ସହ ସାରା ଦେଶରେ ବିଜେପି ଆରଏସଏସ ସାମ୍ପ୍ରଦାୟୀକତା ରାଜନୀତି କରୁଛି । ଦେଶର ପ୍ରତ୍ୟେକ ଜାଗାରେ ଜାତି ଜାତି ଧର୍ମ ମର୍ଧ ମଧ୍ୟରେ ଭୀଭିଶିଖା ସୃଷ୍ଟି କରୁଛି । ରାଜ୍ୟର ଲୁଟିବା ପାଇଁ ନବୀନ ମୋଦିଙ୍କ ଜୁନିୟର ପାର୍ଟନର ସାଜିଛନ୍ତି । ରାଜ୍ୟରେ ଖଣିଜ ସମ୍ପଦ ଭରପୁର ହୋଇଥିବା ବେଳେ ରାଜ୍ୟ ଗରୀବ ହୋଇଛି । ଶିଳ୍ପପତିଙ୍କ ସ୍ୱାର୍ଥରେ ଶାଗ ମୁଗ ଦରରେ ଖଣିଜ ସମ୍ପଦକୁ ଟେକି ଦେଉଛନ୍ତି । ରାଜ୍ୟର କୃଷକ ଓ କୃଷିକୁ ସମସ୍ୟାକୁ ନେଇ ନବୀନ ସରକାରକୁ ନିନ୍ଦା କରିଛନ୍ତି । ଯଦି କଂଗ୍ରେସ ରାଜ୍ୟରେ କ୍ଷମତାକୁ ଆସେ ତେବେ ୧୦ ଦିନ ମଧ୍ୟରେ ଚାଷୀର ଋଣ ଛାଡ଼ କରିବା ନେଇ ପ୍ରତିଶ୍ରୁତି ଦେଇଛନ୍ତି । ଏହାସହ ଧାନର ଏମଏସପି ୨୬୦୦ ଟଙ୍କା କରିବା ପାଇଁ ରାଜ୍ୟବାସୀଙ୍କୁ ପ୍ରତିଶ୍ରୁତି ଦେଇଛନ୍ତି । ପୂର୍ବରୁ ଛତିଶଗଡ଼, ରାଜସ୍ଥାନ ଓ ମଧ୍ୟପ୍ରଦେଶରେ ଚାଷୀଙ୍କୁ ପ୍ରତିଶ୍ରୁତି ଦେଇ ଦଳ ପାଳନ କରିଛି । ଆମେ ଚାଷୀଙ୍କ ନିକଟରେ ଥିଲୁ ଏବେ ମଧ୍ୟ ରହିଥିବା ପ୍ରକାଶ କରିଛନ୍ତି । ଏହାସହ ଚାଷୀଙ୍କ ଆମେ ଦୟା କରୁନି ଆମେ ତାଙ୍କ ହକ୍ ଦେଉଥିବା ଦୁଢକ୍ତି କରିଛନ୍ତି । ଅନ୍ୟପଟେ ଚିଟଫଣ୍ଡ କୁ ନେଇ ମୋଦିଙ୍କ ହାତରେ ନବୀନଙ୍କ ରିମୋର୍ଟ ଥିବା ପ୍ରକାଶ କରିଛନ୍ତି । ନବୀନଙ୍କ ମନ୍ତ୍ରୀ ମଣ୍ଡଳରେ ବହୁ ନେତା ଚିଟଫଣ୍ଡରେ ସମ୍ପୃକ୍ତ ଥିବା ବେଳେ ନିର୍ଦ୍ଦେଶରେ ଘୂରିବୁଲୁଛନ୍ତି । ଶିକ୍ଷା ସ୍ୱାସ୍ଥ୍ୟ ଅବସ୍ଥା ଅତି ଦୟନୀୟ କହି ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି ।