ପ୍ରକାଶ ପାଇଲା ବିଜେଡିର ଲୋକସଭା ପ୍ରାର୍ଥୀ ତାଲିକା, ଜାତୀୟ ଗଣମାଧ୍ୟମ ଖବରର ସତ୍ୟତା ?

ଭୁବନେଶ୍ବର: ଦେଶର ଏକ ପ୍ରତିଷ୍ଠିତ ଗଣମାଧ୍ୟମରେ ପ୍ରକାଶ ପାଇଛି ଯେ ବିଜେଡି ଲୋକସଭା ଏବଂ ବିଧାନସଭା ପ୍ରାର୍ଥି ଘୋଷଣା କରିଛି। ସେଥିରେ କୁହାଯାଇଛି ଯେ, ବିଜେଡି 9 ଟି ଲୋକସଭା ଏବଂ 53 ଟି ବିଧାନସଭା ପାଇଁ ପ୍ରାର୍ଥୀ ଘୋଷଣା କରିଛି। ଯେଉଁ ଲୋକସଭା ଆସନ ରହିଛି ସେଗୁଡିକ ହେଲା କଳାହାଣ୍ଡି, ନବରଂଗପୁର, ବ୍ରହ୍ମପୁର, କୋରାପୁଟ, ବରଗଡ, ସୁନ୍ଦରଗଡ, ବଲାଙ୍ଗିର, କନ୍ଧମାଳ ଓ ଆସ୍କା।

ଏହାକୁ ନେଇ ଓଡିଶା ରାଜନୀତିରେ ହଲଚଲ ସୃଷ୍ଟି ହୋଇଛି। କାରଣ ଏଥିରେ ବିଜେଡି ଲେଟରହେଡ ରେ ପୁରା ତାଲିକା ପ୍ରକାଶ ହୋଇଛି। ହେଲେ ପରେ ଜଣାପଡିଛି ଯେ ଏହି ତାଲିକା 2019 ନିର୍ବାଚନ ସମୟରେ ବିଜେଡି ପ୍ରକାଶ କରିଥିଲା। ବିଜେଡି ଠିକ ଆଜିର ଦିନରେ ଏହି ତାଲିକା ପ୍ରକାଶ କରିଥିଲା। ତାହାକୁ ନେଇ ଜାତୀୟ ଗଣମାଧ୍ୟମ ଏପରି ରିପୋର୍ଟ କରିଦେଇଛି। ଯାହା ସଂପୂର୍ଣ୍ଣ ଭୁଲ।