ସୁଜାତା କାର୍ତ୍ତିକେୟନ ବିଜେପି ସମର୍ଥନରେ ରାଜ୍ୟସଭା ଯିବେ !!! ଏପରି ଅବାନ୍ତର ଚର୍ଚ୍ଚା କାହିଁକି ହେଉଛି ?

ଭୁବନେଶ୍ବର: ଭି କେ ପାଣ୍ଡିଆନଙ୍କ ପତ୍ନୀ ସୁଜାତା ରାଉତ ପାଣ୍ଡିଆନ ଆଇଏଏସ ଚାକିରୀ ଛାଡିବା ପରେ ତାଙ୍କୁ ନେଇ ବିଭିନ୍ନ ଚର୍ଚ୍ଚା ଜାରୀ ରହିଛି। କେତେବେଳେ କୁହାଯାଉଛି ସେ ଓଡିଶା ଛଡିବେ, କେତେବେଳେ ସେ ଭାରତ ଛାଡିବେ, କେତେବେଳ କୁହାଯାଉଛି ସେ ବିଜେଡି ମଙ୍ଗ ଧରିବେ।

ତେବେ ଏହି ଚର୍ଚ୍ଚା ଭିତରେ ଆଉ ଏକ ନୂଆ କଥା ଆଗକୁ ଆସିଛି। ତାହା ହେଲା ସେ କୁଆଡେ ରାଜ୍ୟସଭାକୁ ଯିବେ। ଆଉ ତା ପୁଣି ବିଜେପି ସମର୍ଥନରେ। ଏପରି ଏକ ଅବାନ୍ତର ଚର୍ଚ୍ଚାକୁ ନେଇ ରାଜ୍ୟ ରାଜନୀତିରେ ବେଶ ଆଲୋଚନା ଚାଲିଛି। ଏହା କଣ କେବେ ସମ୍ଭବ ବୋଲି ବିଭିନ୍ନ ମହଲରେ ପ୍ରଶ୍ନ ଉଠିଛି। ପୁଣି କେତେକ କୁହନ୍ତି ଖେଳ ଓ ରାଜନୀତିରେ ସବୁ ସମ୍ଭବ।

ଘଟଣାଟି ହେଲା ଆସନ୍ତା ବର୍ଷ ଏପ୍ରିଲ ମାସରେ ତିନିଟି ରାଜ୍ୟସଭା ଆସନ ଖାଲି ହେଉଛି। ସେଗୁଡିକ ହେଲା ମମତା ମହନ୍ତ, ମୁନ୍ନା ଖାଁ ଏବଂ ସନାତନ ବିଶି। ମୁନ୍ନା ଖାଁ ଓ ସନାତନ ବିଶି ବିଜେଡି ହୋଇଥିବା ବେଳ ମମତା ବିଜେପିର ସାଂସଦ। ତେବେ ସଂଖ୍ୟା ଦୃଷ୍ଟିରୁ ବର୍ତ୍ତମାନ ବିଜେଡି ଗୋଟିଏ ହେଲେ ଆସନ ଜିତିବାର କ୍ଷମତା ନାହିଁ। ହେଲେ ଏକାବେଳ ତିନିଟି ଆସନରେ ନିର୍ବାଚନ ହେବାକୁ ଥିବାରୁ ବିଜେଡିର ଗୋଟିଏ ପଡିପାରେ ବୋଲି କୁହାଯାଉଛି।

ଯଦି ତାହା ସମ୍ଭବ ନ ହୁଏ ତେବେ ବିଜେପି ପ୍ରାର୍ଥୀ ଅଶ୍ବନୀ ବୈଷ୍ଣବଙ୍କୁ ବିଜେଡି ସମର୍ଥନ କରିବା ପରେ ସୁଜାତାଙ୍କୁ ବିଜେପି ସମର୍ଥନ କରିବ ବୋଲି କୁହାଯାଉଛି। ହେଲେ ବର୍ତ୍ତମାନ ପରିସ୍ଥିତିରେ ବିଜେପି ସେପରି କରିବ ନାହିଁ ବୋଲି ଆଶା କରାଯାଉଛି। ହେଲେ ଏହି ଅବାନ୍ତର ଚର୍ଚ୍ଚା ରାଜ୍ୟ ରାଜନୀତିରେ ବେଶ ରୋମନ୍ଥନ ଚାଲିଛି।