ଖୋଲା ହେଲା ମା ମଝିଘରିଆଣୀ ମନ୍ଦିରର ଦାନ ହୁଣ୍ଡି: ନଗଦ ପ୍ରାୟ 95 ଲକ୍ଷ ଟଙ୍କା ସଂଗ୍ରହ

ଭୁବନେଶ୍ବର: ରାୟଗଡ଼ା ଅଧିଷ୍ଠାତ୍ରୀ ମା ମଝିଘରିଆଣୀ ମନ୍ଦିର ଦାନ ହୁଣ୍ଡି 6 ମାସ ପରେ ଖୋଲାଯାଇଥିବା ବେଳେ ଦାନବାକ୍ସରୁ 94 ଲକ୍ଷ 49 ହଜାର 54 ଟଙ୍କା ସହ 93 ଗ୍ରାମ ସୁନା, 2 କିଲୋ 170 ଗ୍ରାମ ରୁପା ସଂଗ୍ରହ ହୋଇଛି। ଏହାସହ 20 ଡଲାର, 10 ଡଲାର, 1 ଡଲାର ଗୋଟିଏ ଗୋଟିଏ ନୋଟ ସମେତ 5 ଟି ବିଦେଶୀ ମୁଦ୍ରା ଓ ଦୁଇଟି ପୁରୁଣା 500 ଟାଙ୍କିଆ ନୋଟ ହୁଣ୍ଡିରୁ ବାହାରିଥିବା ଜଣାପଡ଼ିଛି।

ସ୍ଥାନୀୟ ତହସିଲଦାରଙ୍କ ତତ୍ବାବଧାନରେ ପୋଲିସର କଡା ସୁରକ୍ଷା ବଳୟ ମଧ୍ୟରେ ମନ୍ଦିର ପରିଚାଳନା କମିଟିର କର୍ମକର୍ତ୍ତା ଉପସ୍ଥିତିରେ ୯ଟି ଦାନ ହୁଣ୍ଡି ଆଜି ସକାଳ ସକାଳୁ ଖୋଲାଯାଇ ଗଣତି କରାଯାଇଥିଲା।