ଓଡ଼ିଶା ଷ୍ଟାର୍ଟଅପ ବିଶ୍ୱ ରେକର୍ଡ, ବନଭି ଏରୋ ପକ୍ଷରୁ ଲଦାଖର ଗିରିଶୃଙ୍ଗରେ ୟୁଏଭି ହୋଭରର ପରୀକ୍ଷଣ

ଭୁବନେଶ୍ୱର: ଭାରତର ଅଗ୍ରଣୀ ଏରିଏଲ୍ ମୋବିଲିଟି ମାନୁଫ୍ୟାକ୍‌ଚରିଂ ଫାର୍ମ ତଥା ଓଡ଼ିଶାର ବନ୍‌ଭି ଏରୋ ହାଇ-ଅଲ୍ଟିଚ୍ୟୁଡ ଅନ୍‌ମ୍ୟାନ୍‌ଡ ଏରିଏଲ୍ ଭେଇକିଲ୍ସ (ୟୁଏଭି) ଟେକ୍ନୋଲୋଜି କ୍ଷେତ୍ରରେ ଏକ ନୂଆ ବିଶ୍ୱ ରେକର୍ଡ ହାସଲ କରି ଇଂଣ୍ଟନ୍ୟାଶନାଲ ବୁକ୍ ଅଫ୍ ରେକର୍ଡସ୍‌ରେ ପ୍ରବେଶ କରିଛି।

ଭାରତୀୟ ସେନାରେ ହେଭି-ଲିଫ୍ଟ ୟୁଏଭିଗୁଡିକର ଏକ ପ୍ରମୁଖ ଯୋଗାଣକାରୀ ଭାବେ ଏହି କମ୍ପାନୀ ୩୦କେଜିର ପେଲୋଡ଼ ପରିବହନ କରି ୧୯,୦୨୪ ଫୁଟ୍‌ର ଏକ ଅଲ୍ଟିଚ୍ୟୁଡରେ ଏକ ହୋଭର ଫ୍ଲାଇଟ୍ ପରୀକ୍ଷଣ ସମ୍ପୂର୍ଣ୍ଣ କରିଛି। ଯାହାକି ହାଇ-ଅଲ୍ଟିଚ୍ୟୁଡ ସେଟିଙ୍ଗ୍‌ରେ ୟୁଏଭି ପରିଚାଳନା ପାଇଁ ଏକ ବିଶ୍ୱ ରେକର୍ଡ ସ୍ଥାପନ କରିଛି।

ଏହି ପରୀକ୍ଷଣକୁ ଲଦାଖର ଉମ୍‌ଲିଙ୍ଗ ଲା ପାସ୍‌ଠାରେ ସଫଳତାର ସହ ପରିଚାଳନା କରାଯାଇଛି, ଯାହାକି ବିଶ୍ୱର ସର୍ବୋଚ୍ଚ ମୋଟୋରେବୁଲ ମାଉଂଟେନ ପାସ୍ ଭାବେ ପରିଚିତ ଅଟେ । ବନ୍‌ଭି ଏରୋର ୟୁଏଭି ପ୍ଲାଟ୍‌ଫର୍ମ  ୩୦କେଜିର ପେଲୋଡ୍ ଉଠାଇ ଏବଂ ୧୦୦କେଜିର ମୋଟ ଟେକ୍‌ଅଫ୍ ଓଜନ ସହ ୧୯୦୨୪ ଫୁଟ୍‌ରେ ଉଡାଣ ଭରି ନିଜର କ୍ଷମତାକୁ ପ୍ରଦର୍ଶିତ କରିଛି।

ଏସମ୍ପର୍କରେ କମ୍ପାନୀର ସହପ୍ରତିଷ୍ଠାତା ଓ ସିଇଓ ସତ୍ୟବ୍ରତ ଶତପଥୀ କହିଛନ୍ତି, “ବନ୍‌ଭି ଏରୋରେ ଏହି ବିଶ୍ୱ ରେକର୍ଡ ଆମ ପାଇଁ ଏକ ଗୌରବମୟ ମୁହୂର୍ତ ଅଟେ। ଆମେ ଏଭଳି ଏକ ୟୁଏଭି ପ୍ଲାଟ୍‌ଫର୍ମ ନିର୍ମାଣ କରିବା ପାଇଁ ଭାରତୀୟ ସେନା ସହ ସହଭାଗିତା କରିଛୁ ଯାହା ହାଇ-ଅଲ୍ଟିଚ୍ୟୁଡ ଅଂଚଳଗୁଡିକରେ ସେମାନଙ୍କର ପରିବହନ ସମସ୍ୟାଗୁଡିକୁ ସମାଧାନ କରୁଛି ।

ଏହି ପରୀକ୍ଷଣ ଆମର ପ୍ରତିରକ୍ଷା ବାହିନୀ ପାଇଁ ଆକାଶ ମାର୍ଗରେ ଯାତାୟତ ସମାଧାନକୁ ଉନ୍ନତ କରିବା ପାଇଁ ଆମର ପ୍ରତିବଦ୍ଧତାକୁ ରେଖାଙ୍କିତ କରୁଛି ।” ଏହା ତୁଳନାରେ, ସିଆଚେନ (ଏଏମ୍‌ଏସ୍‌ଏଲ୍‌ଠାରୁ ୧୨୦୦୦ରୁ ୧୮୦୦୦ ଫୁଟ୍ ଉଚ୍ଚତାରେ) ଭଳି ଅଂଚଳଗୁଡିକରେ ହାଇ-ଅଲ୍ଟିଚ୍ୟୁଟ୍ ଅପରେଶନ ପାଇଁ ବ୍ୟବହାର କରାଯାଉଥିବା ଚିତା ହେଲିକପ୍ଟର  ସମାନ ଅଲ୍ଟିଚ୍ୟୁଡରେ ସର୍ବାଧିକ ୨୦ କେଜି ପରିବହନ କରିପାରିଥାଏ। ବନ୍‌ଭି ଏରୋର ୟୁଏଭି ପ୍ଲାଟ୍‌ଫର୍ମ  ଅଧିକ ଭାରି ପେଲୋଡ୍ ନିୟନ୍ତ୍ରଣ କରିବା ପାଇଁ କ୍ଷମତାକୁ ପ୍ରଦର୍ଶିତ କରୁଛି।

କମ୍ପାନୀର ସହ-ପ୍ରତିଷ୍ଠାତା ଓ ସିଟିଓ ଅବିନାଶ ସାହୁ କହିଛନ୍ତି, “ଆମେ ବିଶ୍ୱାସ କରୁଛୁ ଯେ, ଏହା ୟୁଏଭି ହାଇ-ଅଲ୍ଟିଚ୍ୟୁଡରେ ଯାହା ହାସଲ କରିପାରିବ ତାହାର ଆରମ୍ଭ ମାତ୍ର । ଏହି ସଫଳତା ଆମର ଇନ୍‌-ହାଉସ୍ ଆର୍‌ଆଣ୍ଡ୍‌ଡି, ଡିଜାଇନ କ୍ଷମତା ଓ ସ୍ୱଦେଶୀ ପ୍ରପଲ୍‌ସନ ସିଷ୍ଟମଗୁଡିକ କାରଣରୁ ସମ୍ଭବ ହୋଇଛି।

ଏହି ପ୍ଲାଟ୍‌ଫର୍ମ ଏକ ବିବିଧ ଶୃଙ୍ଖଳାର ବ୍ୟବହାରିକ ମାମଲା ପ୍ରଦାନ କରୁଛି ଯେଉଁଥିରେ ହ୍ୟୁମାନିଟାରିଆନ ଏଡ୍ ଆଣ୍ଡ ଡିଜାଷ୍ଟର ରେସ୍‌ପନ୍ସ (ଏଚ୍‌ଏଡିଆର୍‌) ସେକ୍ଟରରେ ପ୍ରୟୋଗଗୁଡିକ ସାମିଲ ରହିଛି।” ଏହି ସଫଳତା ସହିତ ବନ୍‌ଭି ଏରୋ ହେଭି-ଲିଫ୍ଟ ଲଜିଷ୍ଟିକ୍ସ ୟୁଏଭି ସେଗ୍‌ମେଂଟ୍ କ୍ଷେତ୍ରରେ ଏକ ଲିଡର ଭାବେ ନିଜର ସ୍ଥିତିକୁ ସୁଦୃଢ କରିଛି ଏବଂ ଅଧିକ ଚାହିଦାପୂର୍ଣ୍ଣ ପରିବେଶ ପାଇଁ ନିଜ ପ୍ଲାଟ୍‌ଫର୍ମକୁ ଆହୁରି ବିକଶିତ କରିବାକୁ ଯୋଜନା ରଖିଛି।

ଏହି ସଫଳତା ହାଇ-ଅଲ୍ଟିଚ୍ୟୁଡ ଲଜିଷ୍ଟିକ୍ସ ପ୍ରତି ଯୋଗଦାନ ଦେବା ପ୍ରତି ୟୁଏଭି ପାଇଁ ଗୁରୁତ୍ୱପୂର୍ଣ୍ଣ ଅଟେ, ଯାହା ଉଭୟ ମିଲିଟାରୀ ଓ ସିଭିଲିଆନ ଡୋମେନଗୁଡିକରେ ଜଟିଳ ଆବଶ୍ୟକତାକୁ ପୂରଣ କରୁଛି। ଏଆଇସି-ସିଜିୟୁ ଓ ସି.ଭି ରମଣ ଗ୍ଲୋବାଲ ୟୁନିଭର୍ସିଟି ନିଜର ଇନ୍‌କ୍ୟୁବେଟେଡ ଷ୍ଟାର୍ଟଅପ ବନ୍‌ଭି ଏରୋର ସଫଳତାକୁ ଗର୍ବର ସହ ପାଳନ କରିଛି ଟିମ୍‌। ଏହି ଯାତ୍ରାରେ ନିଜର ଦୃଢ ସମର୍ଥନ ପାଇଁ ଷ୍ଟାର୍ଟଅପ୍ ଓଡିଶାକୁ କୃତଜ୍ଞତା ଜଣାଇଛି।