କର୍କଟ ରୋଗର ନିରାକରଣ ସଚେତନତା ସଭା ଅନୁଷ୍ଠିତ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବ୍ରହ୍ମପୁର ସରକାରୀ ଆଇଟିଆଇ ଶିକ୍ଷାନୁଷ୍ଠାନ ପରିସରରେ କର୍କଟ ରୋଗର କାରଣ ଓ ନିରାକରଣ ବିଷୟରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ବ୍ରହ୍ମପୁର ସହରର ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ କ୍ରାନ୍ତି ଓଡ଼ିଶା ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଅନୁଷ୍ଠାନର କାର୍ଯ୍ୟନିର୍ବାହୀ ନିର୍ଦ୍ଦେଶକ ଡଃ ଦେବାନନ୍ଦ ଦାସ ପୌରହିତ୍ୟ କରି ସେ ନିଜେ କର୍କଟ ରୋଗରେ ଆକ୍ରାନ୍ତ ହୋଇ କେମିତି କର୍କଟ ରୋଗକୁ ହରାଇ ଆଜି ସମାଜ ସେବାରେ ନିୟୋଜିତ ଥିବା ଉଲ୍ଲେଖ କରିଥିଲେ।

ଶିକ୍ଷୟତ୍ରୀ ତପସ୍ଵିନୀ ମିଶ୍ର ସେ ନିଜେ ସ୍ତନ କର୍କଟ ରୋଗରେ ପୀଡିତ ହୋଇ ରୋଗରୁ ମୁକ୍ତ ହୋଇ ନିଜ କର୍ମମୟ ଜୀବନ ବିତାଇବା ବିଷୟରେ ସଚେତନତା ବାର୍ତ୍ତା ପ୍ରଦାନ କରିଥିଲେ।