୧୯୨ ବଣ୍ଡଲ କେନ୍ଦୁପତ୍ର ଜବତ, ଚୋରାବେପାରୀ ଫେରାର୍

କନ୍ଦର୍ପ ବେହେରା
ରେଢ଼ାଖୋଲ: ଚାରମାଳ ଅଂଚଳରୁ ଏକ ପିକ୍ ଅପ୍ ଭ୍ୟାନରୁ ୧୯୨ ବଣ୍ଡଲ କେନ୍ଦୁପତ୍ର ବନବିଭାଗ ଜବତ କରିଥିବା ଜଣାପଡ଼ିଛି।

ବନବିଭାଗ ସୂତ୍ରରୁ ପ୍ରକାଶ ରବିବାର ଭୋରରୁ ଏକ ଟାଟା ପିକ୍ ଅପ୍ ଭ୍ୟାନରେ (ଡବ୍ଲୁବି ୨୯ଏ ୦୫୩୩ ) କେନ୍ଦୁପତ୍ର ଚାଲାଣ ହେଉଥିବା ବେଳେ ଡିଏଫ୍ ଓ ଙ୍କ ନିର୍ଦ୍ଦେଶ କ୍ରମେ ଚାରମାଳ ବନବିଭାଗର କର୍ମଚାରିମାନେ ଚାରମାଳ ନିକଟସ୍ଥ ମା ଢ଼ାବା ନିକଟରୁ ଏକ ପିକ୍ ଅପ୍ ଭ୍ୟାନକୁ ଧରିଥିଲେ।

ପିକଅପ୍ ଭ୍ୟାନରୁ ୧୯୨ ବଣ୍ଡଲ କେନ୍ଦୁପତ୍ର ଜବତ କରିଥିବା ବେଳେ ବେପାରୀମାନେ ଘଟଣା ସ୍ଥଳରୁ ଫେରାର୍ ହେବାରେ ସକ୍ଷମ ହୋଇଥିଲେ। ଜବତ କେନ୍ଦୁପତ୍ର ସହ ପିକ୍ ଅପ୍ ଭ୍ୟାନକୁ ବନବିଭାଗ ଜବତ କରିଥିବା ଜଣା ପଡ଼ିଛି।

ଏହି ଚଢଉରେ ଫରେଷ୍ଟର ବିଜୟ କୁମାର ବିଶ୍ବାଳଙ୍କ ସମେତ ବନବିଭାଗର କର୍ମଚାରୀମାନେ ସାମିଲ୍ ହୋଇଥିଲେ।