ଢେଙ୍କାନାଳ: ବନ୍ଧୁ ସାଜିଲା ବନ୍ଧୁର ବଇରୀ । କିଛି ଟଙ୍କା ପାଇଁ ଭୁଲିଗଲେ ବନ୍ଧୁତ୍ୱ । ଆଉ ନେଇ ଗଲେ ସାଙ୍ଗର ଜୀବନ । ତେବେ ଢେଙ୍କାନାଳ ଜିଲ୍ଲା ରେ ଦେଖିବାକୁ ମିଳଛି ଦଶମ ଶ୍ରେଣୀ ଛାତ୍ରଙ୍କ ଜଘଂନ୍ୟ କାଣ୍ଡ । ତେବେ ୩ ଜଣ ସାଙ୍ଗ ମିଶି ଅନ୍ୟ ଜଣ ସାଙ୍ଗକୁ ଟଙ୍କା ପାଇଁ ହତ୍ୟା କରିଥିବା ଜଣାପଡିଛି । ଏଭଳି ଅଭାନୀୟ କାଣ୍ଡ ଘଟିଛି ଢେଙ୍କାନାଳ ବନମାଳୀପ୍ରସାଦପୁର କାଜୁ ଜଂଗଲରେ । ମୃତକ ହେଲେ ସଂଗ୍ରାମ ପୃଷ୍ଟି । ଗାଁ ବନମାଳିପ୍ରସାଦପୁର । ମୃତ ବାପାଙ୍କ ନାମ ଗଣେଶ୍ୱର ପୃଷ୍ଟି । ସୂଚନା ମୁତାବକ ଗତ ୩ ତାରିଖ ଦିନ ଗଣେଶଷ୍ୱରଙ୍କ ପୁଅ ସଂଗ୍ରାମ ନିଖୋଜ ରହିଥଲେ । ତେଣୁ ପରିବାର ଲୋକେ ସଂଗ୍ରାମଙ୍କୁ ବହୁତ ଖୋଜାଖୋଜି କରିଥିଲେ,କିନ୍ତୁ ତାଙ୍କୁ ପାଇ ନଥିବାରୁ ନିରାଶ ହୋଇଯାଇଥିଲେ ପରିବାର ଲୋକେ । ତେବେ ନିଖୋଜ ର ପରଦିନ ସଂଗ୍ରାମ ବାପାଙ୍କ ମୋବାଇଲକୁ ସଂଗ୍ରାମ ନମ୍ବରରୁ ଫୋନ ଆସିଥିଲା, ଏବଂ ଫୋନ ରେ ତା ବାପାଙ୍କୁ ୨ ଲକ୍ଷ ଟଙ୍କା ମାଗି ଧମଦେଇଥିଲେ ସଂଗ୍ରାମଙ୍କ ସାଙ୍ଗମାନେ । ଏ ନେଇ ସଂଗ୍ରାମଙ୍କ ବାପା ଟାଉନ ଥାନାରେ ଅଭିଯୋଗ କରିଥିଲେ । ତେବେ ଆଜି ସକାଳେ ଗାଁ କାଜୁବଗିଚାରେ ଜଣେ ଯୁବକଙ୍କ ମୃତଦେହ ପଡ଼ିଥିବା ଖବର ଆସିଥଲା । ତେଣୁ ଖବର ପାଇ ଗଣେଶ ଓ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ସଂଗ୍ରାମଙ୍କର ବୋଲି ଚିହ୍ନଟ କରିଥିଲେ। ସେପଟେ ଏହି ଘଟଣାରେ ସମ୍ପୃକ୍ତ ଥିବା ଅଶୋକ ବିଶ୍ୱାଳ ନାମକ ଜଣେ ଯୁବକ ଆଜି ସକାଳେ ଥାନାରେ ପହଞ୍ଚି ଥିଲେ । ଏବଂ ନିଜର ବୟାନ ରଖିଛନ୍ତି ୩ ତାରିଖ ଦିନ ଜିତେନ୍ଦ୍ର ସାହୁ ଓ ଅନ୍ୟମାନେ ମଦ ପିଇବାକୁ ସଂଗ୍ରାମକୁ ଡାକିଥିଲେ। ସେଠାରେ ପିଟୁପିଟୁ ସଂଗ୍ରାମଙ୍କର ମୃତ୍ୟୁ ଘଟିଥିଲା। ଅଶୋକଙ୍କୁ ଜିତେନ୍ଦ୍ର ସଂଗ୍ରାମଙ୍କ ଫୋନ ଦେଇ ତାଙ୍କ ବାପାଙ୍କ ଠାରୁ ୨ ଲକ୍ଷ ଟଙ୍କା ଆଣିବାକୁ ଧମକ ଦେବାରୁ ସେ ଗଣେଶଙ୍କ ନିକଟକୁ ଫୋନ କରିଥିବା ଅଶୋକ ପୁଲିସ ନିକଟରେ ସ୍ୱୀକାର କରିଥିଲେ। ତେବେ ପୁଲିସ ଅଶୋକଙ୍କ ଠାରୁ ସଂଗ୍ରାମଙ୍କ ମୋବାଇଲ ଫୋନ ଜବତ କରି ଘଟଣାର ତଦନ୍ତ ଆରମ୍ଭ କରିବା ସହିତ ଅଶୋକଙ୍କୁ ଅଟକ ରଖି ପଚରାଉଚରା ଜାରି ରଖିଥିବା ଜଣାପଡିଛି ।
ବନ୍ଧୁ ସାଜିଲା ବନ୍ଧୁର ବଇରୀ, ଟଙ୍କା ପାଇଁ ପିଟିପିଟି ସାଙ୍ଗକୁ ମାରିଦେଲେ ୩ ବନ୍ଧୁ !
