ଆସନ୍ତାକାଲି ନାମାଙ୍କନ ଭରିବେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଜାଣନ୍ତୁ କାହିଁକି

ଭୁବନେଶ୍ବର: ଆସନ୍ତାକାଲି ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳର ନେତା ନବୀନ ପଟ୍ଟନାୟକ ନାମାଙ୍କନ ଭରିବେ। ଏ ନେଇ ଏକ ସୂଚନା ହସ୍ତଗତ ହୋଇଛି। ତେବେ କାରଣ ହେଉଛି ବିଜେଡି ସୁପ୍ରିମୋ ପୁଣି ଥରେ ଦଳର ସଭାପତି ହେବେ। ସେଥିପାଇଁ ସେ ନାମାଙ୍କନ ଭରିବାକୁ ଶଙ୍ଖ ଭବନ ଯିବେ।

ବିଜେଡିର ବର୍ତ୍ତମାନ ସାଂଗଠନିକ ନିର୍ବାଚନ ଚାଲିଛି। ବର୍ତ୍ତମାନ ସୁଦ୍ଧା 18ଟି ଜିଲ୍ଲାର ସଭାପତିଙ୍କ ନାମ ଘୋଷଣା ସରିଛି। ଏହାପରେ ଆଜି କିମ୍ବା ଆସନ୍ତାକାଲି ଅନ୍ୟ ଜିଲ୍ଲାର ସଭାପତିଙ୍କ ନାମ ଘୋଷଣା ହେବ। ଏହାପରେ ଆସନ୍ତା 19 ତାରିଖରେ ଦଳର ସଭାପତି ନିର୍ବାଚନ ହେବ। ସେଥିପାଇଁ ଦଳିୟ ନିୟମ ଅନୁସାରେ ନବୀନ ନାମାଙ୍କନ ପତ୍ର ଦାଖଲ କରିବେ।