ଭୁବନେଶ୍ୱର: ପୁଣି ରାଜ୍ୟ ସରକାରଙ୍କ ଚିନ୍ତା ବଢ଼ାଇଛନ୍ତି କୋଲକାତା ଫେରନ୍ତା | ପୂର୍ବରୁ କୋଲକାତାରୁ ଫେରିଥିବା ଅନେକ ପ୍ରବାସୀ ଓଡ଼ିଆ କରୋନା ଆକ୍ରାନ୍ତ ହେବା ପରେ ରାଜ୍ୟରେ ଚାହୁଁ ଚାହୁଁ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିଯାଇଥିଲା | ରାଜ୍ୟରେ ଅଧାରୁ ଅଧିକ ଆକ୍ରାନ୍ତ କୋଲକାତା ଫେରନ୍ତା ହୋଇଥିବା ବେଳେ ଆଜି ସନ୍ଧ୍ୟାରେ ଚିହ୍ନଟ ହୋଇଥିବା ୬ କରୋନା ଆକ୍ରାନ୍ତ ମଧ୍ୟ କୋଲକାତାରୁ ଫେରିଥିଲେ ବୋଲି ସୂଚନା ଏବଂ ଲୋକସମ୍ପର୍କ ବିଭାଗ ପକ୍ଷରୁ ଟୁଇଟ କରି ସୂଚନା ଦିଆଯାଇଛି
2nd Health Update, 4th May
2 Positive cases in Bhadrak
45 yr Male & 55 yr Male
4 Positive cases in Jajpur:
M 48 yr Male, 55 yr Male 60 yr Male & 62 yr Male.
(All Kolkata returnees. All in quarantine)
Contact tracing & followup action is being done.
Total Positive Case:169
— I & PR Department, Odisha (@IPR_Odisha) May 4, 2020
ଯାଜପୁରରୁ ଚିହ୍ନଟ ହୋଇଥିବା ୪କରୋନା ଆକ୍ରାନ୍ତ ଏରବାଙ୍କ ପଂଚାୟତର ହୋଇଥିବା ବେଳେ ଭଦ୍ରକରେ ଚିହ୍ନଟ ହୋଇଥିବା ଆକ୍ରାନ୍ତ ବାସୁଦେବପୁର ଏବଂ ଧାମନଗର ବ୍ଲକର ବୋଲି ଜଣା ପଡିଛି | ୪କରୋନା ଆକ୍ରାନ୍ତଙ୍କ ବୟସ ୪୮, ୫୫, ୬୦ ଏବଂ ୬୨ ହୋଇଥିବା ବେଳେ ସମସ୍ତେ ପୁରୁଷ ବୋଲି ସୂଚନା ଏବଂ ଲୋକସମ୍ପର୍କ ବିଭାଗ ସୂଚନା ଦେଇଛି | ସେହିଭଳି ଭଦ୍ରକରେ ଚିହ୍ନଟ ହୋଇଥିବା ୨ କରୋନା ଆକ୍ରାନ୍ତଙ୍କ ବୟସ ୪୫(ପୁରୁଷ) ଏବଂ ୫୫(ପୁରୁଷ) ବୋଲି ଜଣା ପଡିଛି | ସମସ୍ତ ୬ଜଣ ଆକ୍ରାନ୍ତ କୋଲକାତାରୁ ଫେରି ସଙ୍ଗରୋଧ କେନ୍ଦ୍ରରେ ରହିଥିଲେ | ଏବେ ସେମାନଙ୍କର ସ୍ୱାବ ନମୁନା ପରୀକ୍ଷା କରାଯିବା ପରେ ରିପୋର୍ଟ ପଜିଟିଭ ଆସିଛି | ଏବେ ୬ଜଣ କରୋନା ପଜିଟିଭ ବାହାରିବା ପରେ ସେମାନେ କାହା ସଂସ୍ପର୍ଶରେ ଆସିଛନ୍ତି ସେ ନେଇ ଅନୁସନ୍ଧାନ ଆରମ୍ଭ ହୋଇଛି |
