ବାଲୁଗାଁ: ଓଡିଆ ଚଳଚିତ୍ର ତଥା ମଞ୍ଚ ଅଭିନେତା ଗୌରାଙ୍ଗ ନାୟକଙ୍କ ପରଲୋକ

ଭୁବନେଶ୍ବର: ବାଲୁଗାଁ ଅଂଚଳର ବିଶିଷ୍ଟ ମଞ୍ଚ ଓ ସିନେ ଅଭିନେତା ଗୌରାଙ୍ଗ ନାୟକଙ୍କ ୮୫ବର୍ଷ ବୟସରେ ଆଜି ପୂର୍ବାଂହ ରେ ବାଲୁଗାଁ ନିମିକ୍ଷେତା ସ୍ଥିତ ବାସ ଭବନରେ ଦେହାନ୍ତ ହୋଇଯାଇଛି। ସେ ଦୀର୍ଘ ଦିନ ଧରି ଅସୁସ୍ଥ ଥିଲେ। ସେ ବହୁ ଓଡ଼ିଆ ଚଳଚ୍ଚିତ୍ର ଯଥା ଦଣ୍ଡା ବାଳୁଙ୍ଗା, ଏଇ ସଂଘର୍ଷ, ଜାଗା ହାତରେ ପଘା, କିରାତ ଅର୍ଜୁନ, ଦୁର୍ଗା ଆଦି ସାତଟି ଓଡ଼ିଆ ଚଳଚ୍ଚିତ୍ର ରେ ପାର୍ଶ୍ୱ ଅଭିନେତା ଓ ଭଲ ଅଭିନୟ କରି ବେଶ ପରିଚିତ ଥିଲେ।

ବିଭିନ୍ନ ସମୟରେ ବହୁ ଅନୁଷ୍ଠାନ ସହିତ ବିଭିନ୍ନ ବର୍ଗରୁ ସମ୍ମାନିତ ହୋଇଥିଲେ ।ବିଭିନ୍ନ ମଞ୍ଚ ରେ ନାଟ୍ୟ ନିର୍ଦେଶନା, ସଙ୍ଗୀତ ପରିଚାଳନା, ନୃତ୍ୟ ନିର୍ଦେଶନା, ଅଭିନୟ କରି ରାଜ୍ୟ ଓ ରାଜ୍ୟ ବାହାରେ ସମ୍ମାନ ଲାଭ କରିଥିଲେ। ଅର୍ଣ୍ଣପୂର୍ଣା ରଙ୍ଗମଞ୍ଚ ର ସେ ଜଣେ ସ୍ୱୀକୃତି ପ୍ରାପ୍ତ କଳାକାର ଭାବେ ପରିଚିତ ଥିଲେ।ଜଣେ ଆଦର୍ଶ ଶିକ୍ଷକ ଓ ମେଳାପୀ ସ୍ୱଭାବର ବ୍ୟକ୍ତି ଭାବେ ସେ ଚିଲିକା ଓ ବାଲୁଗାଁ ଅଞ୍ଚଳରେ ପରିଚିତ ଥିଲେ।

ମୃତ୍ୟୁ ବେଳକୁ ଏକମାତ୍ର ପୁଅ ସପନ , ଦୁଇ ଝିଅ ସନ୍ଧ୍ୟା ଓ ସ୍ୱାଗତିକା ଉପସ୍ଥିତ ଥିଲେ। ତାଙ୍କର ଶେଷ କୃତ୍ୟ ପୁରୀ ସ୍ୱର୍ଗ ଦ୍ୱାର ରେ ସମ୍ପୂର୍ଣ୍ଣ ହୋଇଛି। ତାଙ୍କ ବିୟୋଗ ରେ ଏ ଅଂଚଳର ବୁଦ୍ଧିଜୀବୀ ଓ କଳା କାର ମହଲରେ ଶୋକପ୍ରକାଶ ପାଇଛି।