ଚିଲିକାର ପୂର୍ବତନ ବିଧାୟକ ରଘୁନାଥ ସାହୁଙ୍କ ଟିକେଟ ପାଇଁ ନବୀନ ନିବାସ ଚାଲ ଅଭିଯାନ

ଚିଲିକା( ସୀତାରାମ ଅଗ୍ରୱାଲ): ନିର୍ବାଚନ ତାରିଖ ଯେତେ ପାଖେଇଆସୁଛି ଆଶାୟୀଙ୍କ ନିଦ ହଜିଯାଉଛି। ସମସ୍ତେ ଟିକେଟ ପାଇବା ପାଇଁ ଦଳୀୟ ନେତାଙ୍କ ପାଖେ କସରତ ଆରମ୍ଭ କରିଦେଲେଣି। ତେବେ ଚିଲିକା ନିର୍ବାଚନମଣ୍ଡଳିରେ ରୋଚକ ସ୍ଥିତି ଦେଖିବାକୁ ମିଳିଛି। ପୂର୍ବତନ ବିଜେଡି ବିଧାୟକ ରଘୁନାଥ ସାହୁ ଆଜି ଶକ୍ତି ପ୍ରଦର୍ଶନ କରିବେ ଭୁବନେଶ୍ୱରରେ। ନବୀନ ନିବାସ ଅଭିମୁଖେ ହଜାର ହଜାର ସମର୍ଥକଙ୍କୁ ନେଇ ଆଜି ସକାଳୁ ଚିଲିକାରୁ ବାହାରିଛନ୍ତି ରଘୁନାଥ।

ତେବେ ମଧ୍ୟାହ୍ନ ସୁଦ୍ଧା ଶଙ୍ଖ ଭବନରେ ଶ୍ରୀ ସାହୁ ପହଞ୍ଚିବେ ବୋଲି ସୂଚନା ମିଳିଛି। ବାଣପୁର ଓ ଚିଲିକା ବ୍ଲକ ଏବଂ ବାଣପୁର ଓ ବାଲୁଗାଁ ଏନଏସି ର ପାଖାପାଖି 4 ହଜାରରୁ ଉର୍ଦ୍ଧ ସମର୍ଥକଙ୍କୁ ନେଇ ରଘୁନାଥ ସାହୁ ଭୁବନେଶ୍ୱର ଯାଇଥିବା ସାମର୍ଥକଙ୍କ ସୂତ୍ରରୁ ପ୍ରକାଶ। ତେବେ ଚିଲିକା ବିଧାନସଭା ବିଜେଡି ଆଶାୟୀ ଭାବେ ଏକ ନମ୍ବରରେ ଏବେ ବି ରଘୁନାଥ ସାହୁ ଅଛନ୍ତି ବୋଲି ବାର୍ତ୍ତା ଦେବେ ଆଜି।