ରାଜ୍ୟ ବିଜେପି ସଭାପତି ମନମୋହନ ସାମଲ କେଉଁଠାରୁ ଲଢିବେ? ଜାଣନ୍ତୁ ତାଙ୍କ ଉତ୍ତର

ଭୁବନେଶ୍ବର: ବର୍ତ୍ତମାନ ଓଡିଶାରେ ମେଣ୍ଟ ରାଜନୀତି ବେଶ ଜୋରଦାର ଚାଲିଛି। ବିଜେଡି ବିଜେପି ମେଣ୍ଟ କେବେ ହେବ ସେ ନେଇ ସମସ୍ତେ ଅପେକ୍ଷା କରିଛନ୍ତି। ତେବେ ଏହାକୁ ନେଇ ରାଜ୍ୟ ବିଜେପି ସଭାପତି ମନମୋହନ ସାମଲ ମେଣ୍ଟ ହେବ ନାହିଁ ବୋଲି ବାରମ୍ବାର କହିଆସିଛନ୍ତି। ତେବେ ସେ ନିଜେ କେଉଁ ଆସନରୁ ଲଢେଇ କରିବେ ତାହା ସ୍ପଷ୍ଟ କରିଛନ୍ତି ମନମୋହନ।

ଗତକାଲି ଚାନ୍ଦବାଲି ବିଜେପି କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ତାଙ୍କୁ ପ୍ରଶ୍ନ କରାଯାଇଥିଲା ଯେ, ଆପଣ କଣ ଚାନ୍ଦବାଲିରୁ ଲଢେଇ କରିବେ କି? ଏହାର ଉତ୍ତରରେ ମନମୋହନ କହିଛନ୍ତି ଯେ,ଦଳ ଚାହିଁଲେ ମୁଁ ଚାନ୍ଦବାଲିରୁ ଲଢିବାକୁ ଆଗ୍ରହୀ ଅଛି। ଚାନ୍ଦବାଲି ସହିତ ମୁଁ ଓତଃପ୍ରାତ ଭାବେ ଜଡିତ ଅଛି। ଚାନ୍ଦବାଲିରେ କେବଳ ପ୍ରଚାର ରାଜନୀତି ଚାଲିଛି। ହେଲେ ଯେପରି ବିକାଶ ହେବା କଥା ତାହା ହୋଇପାରି ନାହିଁ।