ଚାଷୀ ଆତ୍ମହତ୍ୟା ମାମଲା: ଗୋବିନ୍ଦ ସାହୁଙ୍କ କ୍ଷେତରେ ବୋରୱେଲ ଖୋଳିଲେ ସମ୍ବିତ ପାତ୍ର

ରଣପୁର: ନୟାଗଡ଼ ଜିଲ୍ଲା ରଣପୁର ବ୍ଲକ ଓସ୍ତପଡା ଗ୍ରାମର ଚାଷୀ ଗୋବିନ୍ଦ ସାହୁ ଆତ୍ମହତ୍ୟା କରିଥବା ନଭେମ୍ବର ମାସ ୫ ତାରିଖରେ ଧାନକ୍ଷେତରେ ପାଣି ଅଭାବରୁ ଧାନ ଫସଲ ଉଜୁଡି ଯିବାରୁ ବେକରେ ରଶି ଲଗାଇ ଆତ୍ମହତ୍ୟା କରିଥିଲେ। ଆତ୍ମହତ୍ୟା କରିଥିବା ଚାଷୀଙ୍କ ପରିବାରକୁ ଭେଟି ସମବେଦନା ଜଣାଇବା ସହ ମୃତ ଚାଷୀଙ୍କ ଧାନକ୍ଷେତରେ ବୋରୱେଲ ଖୋଳିବା ପାଇଁ ପ୍ରତିଶୃତି ଦେଇଥିଲେ ବିଜେପିର ରାଷ୍ଟ୍ରୀୟ ପ୍ରଵକ୍ତା ସମ୍ବିତ ପାତ୍ର।

ଆଜି ସେ ପ୍ରତିଶୃତି ପାଳନ କରି ବୋରୱେଲ ଖୋଳିଛନ୍ତି। ଏଥିରେ ନୟାଗଡ଼ ଜିଲ୍ଲା ବିଜେପି ସଭାପତି ତାପସ ମାର୍ଥା ଓ କର୍ମୀମାନେ ଯୋଗଦେଇଥିଲେ। ଆଜି ମୃତ ଚାଷୀ ଗୋବିନ୍ଦ ସାହୁଙ୍କ ଧାନକ୍ଷେତରେ ବୋରୱେଲ ଖୋଳିଥିବାରୁ ସ୍ଥାନୀୟ ଚାଷୀ ଖୁସିବ୍ୟକ୍ତ କରିଛନ୍ତି। କାରଣ ଏହା ଯୋଗୁ ଏହି ଏରିଆର ଚାଷୀ ମାନଙ୍କର ଆଉ ଖରାଦିନେ ପାଣିର ଅଭାବ ରହିବ ନାହିଁ। ବୋରୱେଲରୁ ପାଇପ ଯୋଗେ ଚାଷୀ ମାନେ ପାଣି ନେଇ ଯେ, କୌଣସି ଚାଷ କରିପାରିବେ ଓ ପାଣି ଅଭାବରୁ କୌଣସି ଚାଷୀ ଆତ୍ମହତ୍ୟା କରିବେନାହିଁ ବୋଲି ସମ୍ବିତ ପାତ୍ର କହିଛନ୍ତି।