ବିଜେପି ନେତା ବୈଜୟନ୍ତ ପଣ୍ଡାଙ୍କୁ ହତ୍ୟା ଧମକ ଦେଇଥିବା ବ୍ୟକ୍ତି ବାଙ୍ଗାଲୁରୁରୁ ଗିରଫ

ଭୁବନେଶ୍ବର: ପୂର୍ବତମ ସାଂସଦ ତଥା ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କୁ ହତ୍ୟା ଧମକ ଦେଇଥିବା ବ୍ୟକ୍ତି ଗିରଫ ହୋଇଛି। ଦିଲ୍ଲୀ ପୋଲିସ ସେହି ବ୍ୟକ୍ତିର ଫୋନ ନମ୍ବର ଟ୍ରାକ କରିବା ପରେ ସେ ବାଙ୍ଗାଲୁରୁରେ ଥିବା ଜଣାପଡିଥିଲା। ଫଳରେ ଦିଲ୍ଲୀ ପୋଲିସ ସେଠାକୁ ଯାଇ ସେହି ବ୍ୟକ୍ତିଙ୍କୁ ଗିରଫ କରି ଦିଲ୍ଲୀ ଆଣିଛନ୍ତି।

ତେବେ ଦିଲ୍ଲୀରେ ତାହାକୁ ପଚରାଉଚୁରା କରିବା ପରେ ସେ ହତାସ ହୋଇ ଏପରି କରିଥିବା ସ୍ବୀକାର କରିଥିଲା। ଏହି ଫୋନ କଲରେ କୌଣସି ମନ୍ଦ ଉଦ୍ଦେଶ୍ୟ ନାହିଁ ବୋଲି ପୋଲିସ ଜାଣିବାକୁ ପାଇଥିଲା। ଏହାପରେ ବୈଜୟନ୍ତ ପଣ୍ଡା ଅଫିସ ତାହାକୁ ଛାଡି ଦେବା ପାଇଁ ଦିଲ୍ଲୀ ପୋଲିସକୁ  ଅନୁରୋଧ କରିଥିଲେ। ଏହାପରେ ପୋଲିସ ସେହି ବ୍ୟକ୍ତିଙ୍କଠାରୁ ଏକ ଅଣ୍ଡରଟେକିଂ ରଖି ଛାଡି ଦେଇଥିବାର ଜଣାପଡିଛି।