ଚିଲିକାର ପୂର୍ବତନ ବିଧାୟକ ରଘୁନାଥ ସାହୁଙ୍କୁ ଅଣ୍ଡାମାଡ, ପରିସ୍ଥିତି ଉତ୍ତେଜନା

ଭୁବନେଶ୍ବର: ଚିଲିକାର ପୂର୍ବତନ ବିଧାୟକ ତଥା ବିଜେଡି ନେତା ରଘୁନାଥ ସାହୁଙ୍କୁ ଆଜି ସକାଳେ ଅଣ୍ଡାମାଡ ହୋଇଛି। ଆଜି ରଘୁନାଥ ବାଣପୁରର ବିଷରପାଟଣାରେ ଚା ଖଟିରେ ସାମିଲ ହୋଇଥିଲେ। ସେ ଲୋକଙ୍କ ସହିତ ଆଲୋଚନା କରିବା ବେଳେ କେହି ଆସି ତାଙ୍କ ଉପରକୁ ଅଣ୍ଡା ଫିଙ୍ଗିଥିଲା।

ଏହାପରେ ସେଠାରେ ଉତ୍ତେଜନା ପ୍ରକାଶ ପାଇଛି। ଏ ନେଇ ବାଣପୁର ଥାନାରେ ଏକ ମାମଲା ଋଜୁ କରାଯାଇଛି। ଏହାକୁ ନେଇ ରଘୁନାଥଙ୍କ ସମର୍ଥକମାନେ ବେଶ୍ ଉତ୍ତେଜିତ ହୋଇପଡିଛନ୍ତି। ଏହା କେତେକ ଅସନ୍ତୁଷ୍ଠ ଗୋଷ୍ଠୀଙ୍କ କାର୍ଯ୍ୟ ବୋଲି ସେମାନେ ଅଭିଯୋଗ କରିଛନ୍ତି। ତେବେ ଏପରି ଅଣ୍ଡାମାଡ ସତ୍ବେ ରଘୁନାଥଙ୍କ ଚା ଖଟି ଜାରୀ ରହିବ ବୋଲି ତାଙ୍କ ସମର୍ଥକମାନେ ପ୍ରକାଶ କରିଛନ୍ତି।