ପଶ୍ଚିମ ଓଡ଼ିଶାର ମହିଳା ଭୋଟ ଉପରେ ନବୀନଙ୍କ ନଜର; ଆଜି ଭବାନୀପାଟଣା ଗସ୍ତରେ ମୁଖ୍ୟମନ୍ତ୍ରୀ !

କଳାହାଣ୍ଡି: ଆଜି ଦିନ ୧୨ଟାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦିନକିଆ କଳାହାଣ୍ଡି ଗସ୍ତରେ ମହିଳା ସମାବେଶରେ ଯୋଗ ଦେଇଛନ୍ତି । ମୁଖ୍ୟମନ୍ତ୍ରୀ ଆଜି ସକାଳେ ଭୁବନେଶ୍ୱର ବିବାନ ବନ୍ଦରୁ ହେଲିକ୍ୟାପ୍ଟରରେ ଆସି ଉକ୍ରଳ ଏରୋଡ଼୍ରମରେ ପହଂଚିଥିଲେ । ମୁଖ୍ୟମନ୍ତ୍ରୀଙ୍କୁ ହଜାର ହଜାର କର୍ମୀ ସଭାସ୍ଥଳକୁ ପାଛୁଟି ନେଇଥିଲେ । ପ୍ରଥମେ ଜୁନାଗଡ଼ରେ ମିଶ୍ରଣ ପର୍ବରେ ଯୋଗ ଦେଇ ନୂତନ କର୍ମୀମାନଙ୍କୁ ଉତ୍ସାହିତ କରିଥିଲେ । ଏହାସହ ଭବାନୀପାଟଣାରେ ମିନି ଷ୍ଟାଡ଼ିୟମକୁ ଉଦଘାଟନ କରିଥିଲେ । ଏହାପରେ ମୁଖ୍ୟମନ୍ତ୍ରୀ ଭବାନୀପାଟଣାରେ ମହିଳା ମହାସମାବେଶରେ ଯୋଗ ଦେଇଥିଲେ ।ମୁଖ୍ୟମନ୍ତ୍ରୀ ନିଜ ଅଭିଭାଷଣରେ ମାଁ ମାଣିକେଶ୍ୱରୀ ଜୁହାର କହି ନିଜର ବକ୍ତବ୍ୟ ଆରମ୍ଭ କରିଥିଲେ । ମୁଖ୍ୟମନ୍ତ୍ରୀ ମହିଳାମାଙ୍କୁ ଶସକ୍ତି କରଣ ପରିବା ପାଇଁ ଯେଉଁ ଯୋଜନା ଅପଣାଇଛନ୍ତି ତାହାକୁ ଅଭିଭାଷଣରେ ରଖିଥିଲେ । ଏହାସହ ମହିଳାମାନେ ଶିକ୍ଷିତ ହେଲେ ରାଜ୍ୟର ଗୌରବ ବଢିବା ନେଇ ଆହ୍ୱାନ ଦେଇଛନ୍ତି । ଏହି କାର୍ଯ୍ୟକ୍ରମରେ ଜିଲ୍ଲାର ଶତାଧିକ ମହିଳା ସ୍ୱୟଂ ସହାୟକ ଗୋଷ୍ଠୀ ଯୋଗ ଦେଇଥିଲେ । ଏହାପରେ ମୁଖ୍ୟମନ୍ତ୍ରୀ ହତୀନଦୀ ବ୍ରଜ ଉଦଘାଟନ କରିବା ସହ ବହୁ ଯୋଜନାର ଶିଳାନ୍ୟାସ କରିବାର କାର୍ଯ୍ୟକ୍ରମ ରହିଛି ।