ଆଜି ଭାଲେନ୍ଟାଇନ୍ ଡେ ପ୍ରେମ ପାଇଁ ଦିନ ଟିଏ ……

ପ୍ରେମ ଏକ ଅନୂଭୁତି,ନିଆରା ତାର ସ୍ମୃତି । ଏହି ପ୍ରେମ ପାଇଁ ମଣିଷ ହୋଇଛି ଯୁଗେ ଯୁଗେ ପାଗଳ , ଲେଖିଛି କେତେ କାବ୍ୟ ,ମହାକାବ୍ୟ,କବିତା ଓ ଉପନ୍ୟାସ । ପୁରାଣଠାରୁ ଇତିହାସ ସବୁଠି ରହିଛି ପ୍ରେମର କିମ୍ବଦନ୍ତୀ । ପୁରାଣର ରାଧା କୃଷ୍ଣଙ୍କ ଠାରୁ ଆରମ୍ଭ କରି ଇତିହାସର କେଦାର-ଗୌରୀ,ଲୈଲା-ମଜନୁ ଭଳି ପ୍ରେମ କିମ୍ବଦନ୍ତି ଆମ ସମାଜକୁ ପ୍ରେମର ବାର୍ତା ଦେଇ ଆସୁଛି । ଠିକ ଏତିକିବେଳେ ପ୍ରତିବର୍ଷପରି ପ୍ରେମ ପାଇଁ ଦିନଟିଏ ଆସିଛି ଭାଲେନ୍ଟାଇନ୍ ଡେ । ଆଜିର ଏହି ଦିନକୁ ପ୍ରେମୀ ଯୁଗଳ ବେଶ୍ ଉତ୍ସାହର ସହ ଅପେକ୍ଷା କରିଥାନ୍ତି । ପ୍ରେମ ସପ୍ତାହର ହାପି ଏଣ୍ଡିଂ । କିଏ ଏହିଦିନ ପ୍ରତି ସମ୍ଭାଷଣରେ ତ କିଏ ସାଥୀର ଶ୍ପର୍ସରେ ସାଉଁଟିଥାଏ ଉନ୍ମାଦ । ଇଚ୍ଛିହାସ ପୃଷ୍ଠାକୁ ଆଡେଇଲେ ଜଣାଯାଏ ଯେ, ପ୍ରେମର ମହାପୁରୁଷ ଭାବେ ପରିଚିତ ସେନ୍ଟ ଭାଲେନ୍ଟାଇନଙ୍କ ନାମ ଅନୁ୍ଯାୟୀ ଏହି ଦିବସଟି ନାମିତ ହୋଇଛି । ପ୍ରେମକୁ ସଫଳ ରୂପାୟନ କରିବାକୁ ଯାଇ କାଳେ ସେନ୍ଟ ରାଜତନ୍ତ୍ର ବିରୋଧରେ ବିଦ୍ରୋହ କରିଥିଲେ । ରାଜତନ୍ତ୍ର ପ୍ରେମକୁ ବିରୋଧ କରୁଥିବା ବେଳେ ଏହା ବିରୋଧରେ ସେନ୍ଟ ସଂଗ୍ରାମ ଆରମ୍ଭ କରିଥିଲେ । ସେଥିପାଇଁ ରାଜଦଣ୍ଡ ଭୋଗିବା ସହ ତାଙ୍କୁ ବନ୍ଦୀ ଜୀବନ କାଟିବାକୁ ପଡିଥିଲା । ଠିକ ଆଜିର ଦିନ ତତା ଫେବୃୟାରୀ ୧୪ ତାରିଖରେ ତାଙ୍କୁ ଫାସୀଦଣ୍ଡ ଦେଇଥିଲା ରାଜତନ୍ତ୍ର । ଆଜି ଅନେକଙ୍କ ପ୍ରେମକୁ ସାର୍ଥକ କରିଥିବା ଭାଲେନ୍ଟାଇନ ନିଜର ପ୍ରେମକୁ ସଫଳ କରିପାରିନଥିଲେ । ଯାହା ଆଜି ସ୍ମରଣୀୟ ହୋଇ ରହିଛି ।