ପଟ୍ଟାମୁଣ୍ଡାଇ: କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇରେ କାମୟାବ ଟିଭିର ପ୍ରତିନିଧିଙ୍କୁ ଆକ୍ରମଣ ମାମଲାରେ ଜଣେ ଅଭିଯୁକ୍ତକୁ ପୋଲିସ ଗିରଫ କରିଛି । ଅଭିଯୁକ୍ତର ନାଁ ସୂର୍ଯ୍ୟକାନ୍ତ ମଲ୍ଲିକ ଗତ ଜାନୁୟାରୀ ୩୦ ତାରିଖରେ ଗଣମାଧ୍ୟମ ପ୍ରତିନିଧି କୁମାରେଶ ନାୟକଙ୍କୁ ରାଜରାସ୍ତାରେ ଗୋଡ଼ାଇ ଗୋଡ଼ାଇ ମରାନ୍ତକ ଆକ୍ରମଣ କରିଥିଲା । ଏକ ଅପହରଣ ମାମଲାରେ ଖବର ପ୍ରସାରଣକୁ ନେଇ ଏପରି ଆକ୍ରମଣ କରିଥିଲା ଅଭିଯୁକ୍ତ । ଯାହାକୁ ନେଇ ସାରା ଜିଲ୍ଲାରେ ତୁମ୍ଭିତୋଫାନ ସୃଷ୍ଟି ହେବା ସହ ଅଭିଯୁକ୍ତକୁ ଗିରଫ ଦାବିରେ ଭିନ୍ନ ଭିନ୍ନ ଜାଗାରେ ଆନ୍ଦୋଳନ ବିକ୍ଷୋଭ ହୋଇଥିଲା । ଅଭିଯୁକ୍ତ ସୂର୍ଯ୍ୟକାନ୍ତ ବିଦେଶ ଯିବାକୁ ଉଦ୍ୟମ କରୁଥିବା ବେଳେ ଆଜି ପୋଲିସର ସ୍ୱତନ୍ତ୍ର ଟିମ୍ ଗିରଫ କରିବାରେ ସଫଳ ହୋଇଛି ।
ସାମ୍ବାଦିକଙ୍କୁ ଆକ୍ରମଣ କରି ବିଦେଶ ଯିବା ଉଦ୍ୟମ ପଣ୍ଡ; ପୋଲିସ କରିନେଲା କାବୁ !
