କାଳ ସାଜିଲା ତୀର୍ଥ ଭ୍ରମଣ; ରାତିଅନିଦ୍ରା ହୋଇ ଗାଡ଼ି ଚଲାଉଥିବା ବେଳେ ଘଟିଲା ଦୁର୍ଘଟଣା, ଘଟଣାସ୍ଥଳରେ ୪ମୃତ, ୧୧ ଆହତ !

ଅନୁଗୁଳ: ଅନୁଗୁଳ ଜିଲ୍ଲା ଜରପଡ଼ା ଥାନା କତଡା ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ଏକ ଟାଟା ୱାଙ୍ଗନର ଗାଡ଼ି ପର୍ଯ୍ୟଟକକୁ ନେଇ ତୀର୍ଥ ଭ୍ରମଣ କରି ଫେରୁଥିବା ବେଳେ ଦୁର୍ଘଟଣା ଘଟିଛି । ବଲାଙ୍ଗିର ହରିଶଙ୍କର , ନୃସିଂହନାଥ ସହିତ କୁପ୍ତେଶ୍ୱର ତୀର୍ଥ ଭ୍ରମଣ କରି ଫେରୁଥିବା ବେଳେ ଗାଁ ନିକଟତର ହୋଇଥିବା ବେଳେ ଗାଡ଼ିଟି ଦୁର୍ଘଟଣା ଗ୍ରସ୍ତ ହୋଇଛି । ପ୍ରଥମେ ଏକ ଟ୍ରକ୍ ଓ ପରେ ଏକ ପରିବା ବୋଝେଇ ଭ୍ୟାନ୍ ସହିତ ଧକ୍କା ଦେଇଥିଲା । ଘଟଣାସ୍ଥଳରେ ୪ ଜଣଙ୍କର ମୃତ୍ୟୁ ହୋଇଥିବା ବେଳେ ୧୧ ଜଣ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୨ ଜଣଙ୍କ ଅବସ୍ଥା ଗୁରୁତର ହେବାରୁ କଟକ ବଡ଼ ମେଡ଼ିକାଲକୁ ସ୍ଥାନାନ୍ତରିତ କରାଯାଇଛି । ଦୁର୍ଘଟଣାରେ ମୃତ୍ୟୁ ବରଣ କରିଥିବା ଧରଣୀ ପ୍ରଧାନ ,ଅରୁର ପ୍ରଧାନଙ୍କ ଘର ବଲସିଂଘାର ହୋଇଥିବା ବେଳେ ଶିବରାମ ସାହୁଙ୍କ ଘର ତୁଳସୀପୁରରେ ଜଣାପଡ଼ିଛି । ଏହାସହ ସମସ୍ତ ଆହତ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ସୂଚନାଅନୁଯାୟୀ ଗାଡ଼ି ଚାଳକ ରାତି ଅନିଦ୍ରା ହୋଇ ଗାଡ଼ି ଚଲାଉଥିବା ବେଳେ ଭାରସାମ୍ୟ ହରାଇ ଦୁର୍ଘଟଣା କରିଥିବା ପ୍ରତ୍ୟେକ୍ଷଦର୍ଶି କହିଛନ୍ତି ।