ସ୍ୱାଧୀନତା ସଂଗ୍ରାମୀଙ୍କୁ ପୁଅବୋହୂଙ୍କ ନିର୍ଯାତନା; ରାଜଧାନୀ ବୁଲାଇବାକୁ କହି ଘରୁ ଆଣି ଛାଡ଼ି ପଳାଇଲେ !

ଭୁବନେଶ୍ୱର: ଆଉ କିଛି ଘଣ୍ଟା ମଧ୍ୟରେ ଦେଶ ଗଣତନ୍ତ୍ର ଦିବସ ପାଳନ କରିବ ସେଥି ପାଇଁ ଚଳଚଂଳ ହେଉଛି ଗାଁଠୁ ସହର । ଯେଉଁ ସମୟ ଦେଶ ଗଣତନ୍ତ୍ର ଦିବସ ପାଳନର ପ୍ରସ୍ତୁତି ପାଇଁ ନେତା ମନ୍ତ୍ରୀ ଓ ସାଧାରଣ ଜନତା ବ୍ୟସ୍ଥ ଠିକ୍ ସେତିକି ବେଳେ ଆମ ରାଜଧାନୀରେ ରାଜରାସ୍ତାରେ ସ୍ୱାଧିନତା ସଂଗ୍ରାମୀ ଶୀତ କାକରରେ ଅସହାୟ ହୋଇ ବୁଲୁଛି । ଦେଶକୁ ସ୍ୱାଧୀନତା ପାଇଁ କେତେ ଯେ ନିର୍ଯାତନା ସହିବା ସହ ଲାଠି ଜେଲଦଣ୍ଡ ଭୋଗୀ ଦେଶକୁ ସ୍ୱାଧୀନ କରିଛି । ସେହି ସ୍ୱାଧୀନତା ସଂଗ୍ରାମୀ ବୟସର ଅପରାହ୍ନରେ ବଞ୍ଚିବା ପାଇଁ ସଂଘର୍ଷ କରୁଛି । ଏପରିକି ନିଜର ନିସ୍ୱାର୍ଥ ପର ଜୀବନ ଉପରେ କାହାଁର ନଜର ଲାଗିଯାଇଥିବା ଦେଖିବାକୁ ମିଳିଛି । ତାର ନୀତି ଆଦର୍ଶକୁ ବଂଚାଇବାକୁ ଯାଇ ମୁହଁରେ ପଟିବାନ୍ଧି ନିରବ ସାଜିଛି । ଏପରି ଅଜେଗାରେ ଘାଆଁ ପରି ଜୀବନ କାଟିବାକୁ ପଡ଼ୁଛି ।
ଆମେ ଯାହାଙ୍କ କାଥା କହିବାକୁ ଯାଉଛୁ ସେ ହେଉଛନ୍ତି ସ୍ୱାଧୀନତା ସଂଗ୍ରାମୀ ରାଜକିଶୋର ମହାନ୍ତି । ପୁରୀ ଜିଲ୍ଲା କାକଟପୁର ଥାନା କଣ୍ଡଳପୁର ଗାଁରେ ଏହି ସ୍ୱାଧୀନତା ସଂଗ୍ରାମୀଙ୍କ ଘର । ସ୍ୱାଧିନତା ସଂଗ୍ରାମରେ ଯୋଗ ଦେଇ ରାଜକିଶୋର ସାଉଟିଛନ୍ତି ବହୁ ମାନପତ୍ର ଓ ଅନେକ ସମ୍ମାନର ମଧ୍ୟ ଅଧିକାରୀ ହୋଇଛନ୍ତି । ଗାଁଠାରୁ ସହର ପ୍ରତିଟି ମଣିଷ ଏହି ସ୍ୱାଧିନତା ସଂଗ୍ରାମୀକୁ ଅସରା ଅସରା ଭଲ ପାଇବା ମଧ୍ୟ ଦେଇଛନ୍ତି । ସବୁଠି ଅତି ପ୍ରିୟର ପାତ୍ର ହୋଇଥିବା ବେଳେ ନିଜ ପରିବାରରେ ଅଲୋଡ଼ା ହୋଇଛନ୍ତି । ପୁଅ ବୋହୂଙ୍କ ନିର୍ଯାତନା ଏପରି ହୋଇପାରେ ବୟସର ଅପରାହ୍ନରେ ସ୍ୱାଧିନତା ସଂଗ୍ରାମୀ ବାପ।।ଙ୍କୁ ରାଜଧାନୀ ବୁଲାଇବାକୁ କହି ଘରୁ ଆଣି ବାଟରେ ଛାଡ଼ି ଦେଇଛି । ଗତକାଲି ରାତିରେ କଳ୍ପନା ଛକରେ ଏହି ବୟସ୍କ ମଣିଷକୁ ଦେଖି କିଛି ଲୋକ ପଚାରୀବା ପରେ ପ୍ରକୃତ ସତ୍ୟ କଥା ପଦାକୁ ଆସିଥିଲା । ଏହି ସ୍ୱାଧୀନତା ସଂଗ୍ରାମୀ ରାଜ କିଶୋରଙ୍କୁ ତାଙ୍କ ପୁଅ ଅନାମ ପ୍ରସାଦ ମହାନ୍ତି ଓ ତାଙ୍କ ବୋହୂ ଶାରୀରିକ ନିର୍ଯାତନା ଦେଇ ଘରୁ ତଡ଼ି ଦେଇଥିବା ଅଭିଯୋଗ କରିଛନ୍ତି । ରାଜଧାନୀକୁ ବୁଲାଇବାକୁ କହି ଘରୁଆଣି ମୋତେ ଛାଡ଼ି ଦେଇ ଚାଲି ଯାଇଥିବା ପ୍ରକାଶ କରିଛନ୍ତି । ଏହି ଖବର ପ୍ରଘଟ ହେବା ପରେ ସ୍ଥାନୀୟ କରପୋରେଟର ଅମରେଶ ଜେନା ଓ ତାଙ୍କ ସହଯୋଗୀ ଘଟଣାସ୍ଥଳରେ ପହଂଚି ରାତ୍ରୀ ଆଶ୍ରୟ ସ୍ଥଳକୁ ନେବା ସହ ଖାଇବା ପିଇବା ରହିବାର ବ୍ୟବସ୍ଥା କରିଥିଲେ ।
ଏତିକିରେ ସରିନାହଁ ସ୍ୱାଧୀନତା ସଂଗ୍ରାମୀଙ୍କ ଜୀବନ କାହାଣୀ ରାଜକିଶୋର କହନ୍ତି ‘ ମୋର ପୁଅ ଗୋଡ଼ ପିଠିକୁ ବାଡ଼େଇଛି ଆଉ ମୋତେ ବହୁ କଷ୍ଟ ହେଉଛି’ । ସରକାର ମୋତେ ସଂଗ୍ରାମୀ ଭତ୍ତା ଦେଇଛନ୍ତି । ତାହାକୁ ମଧ୍ୟ ସେମାନେ ନେଇ ଯାଉଛନ୍ତି । ଏହାକୁ ନେଇ ସାମ୍ବାଦିକମାନେ ପ୍ରଶ୍ନ କଲେ ଆପଣ ପୁଅ ବୋହୂ ନାମରେ ଥାନାରେ ଅଭିଯୋଗ କରନ୍ତୁ । କିନ୍ତୁ ଏପରି ଉତ୍ତର ମିଳିବ ତାହାକୁ କେହି ବିଶ୍ୱାସ କରିନଥିଲେ । ଏତେ ନିର୍ଯାତନା ସହିଲା ପରେ ମଧ୍ୟ ମଣିଷ ପଣିଆର କଥା କହିଛନ୍ତି । କହିଲେ ମୁଁ ଏତେ ତଳକୁ ଖସିଯାଇ ନାହିଁ ଯେ ପୁଅବୋହୂ ନାମରେ ଅଭିଯୋଗ କରିବି । ବୟସ ୯୫ ତଥା ମୃତ୍ୟୁ ନିକଟତର ହୋଇଥିଲେ ମଧ୍ୟ କର୍ତବ୍ୟ ନିଷ୍ଠା ନିକଟରେ ଏଠି ହାରିଯାଇଛନ୍ତି ନିଷ୍ଟୁର ପୁଅବୋହୁ..