ନବୀନଙ୍କୁ ଚିଠି ଲେଖିଲେ ବିଜେଡି ନେତା ପ୍ରତାପ ଜେନା, ସବୁ ସାଂସଦଙ୍କୁ ନୋଟିସ ଜାରୀ ପାଇଁ ଅନୁରୋଧ

ଭୁବନେଶ୍ବର: ୱାକଫ ବିଲକୁ ନେଇ ବର୍ତ୍ତମାନ ଓଡିଶା ରାଜନୀତି ସରଗରମ ହେବାରେ ଲାଗିଛି। କେଉଁ ପରିସ୍ଥିତିରେ ବିଜେଡିର ସାଂସଦମାନେ ବିବେକାନୁମୋଦିତ ଭୋଟ ଦେଲେ ସେ ନେଇ ପ୍ରଶ୍ନ ଉଠିଛି। କଣ ପାଇଁ ସାଂସଦ ସସ୍ମିତ ପାତ୍ର ଟୁଇଟ କରି ଦଳର ନିଷ୍ପତିକୁ ବଦଳାଇଦେଲେ ସେ ନେଇ ଚାଲିଛି ଚର୍ଚ୍ଚା।

ଏହା ଭିତରେେ ବିଜେଡି ସଭାପତି ନବୀନ ପଟ୍ଟନାୟକଙ୍କୁ ଚିଠି ଲେଖିଛନ୍ତି ପୂର୍ବତନ ମନ୍ତ୍ରୀ ତଥା ବିଜେଡିର ବରିଷ୍ଠ ନେତା ପ୍ରତାପ ଜେନା। ସେ ଏହିଚିଠିରେ ଉଲ୍ଲେଖ କରିଛନ୍ତି ଯେ, ବିଲ୍ ଉପରେ ଯେପରି ପରିସ୍ଥିତି ଉପୁଜିଲା ତାହା ଦୁର୍ଭାଗ୍ୟ ଜନକ। ସାଂସଦ ସସ୍ମିତ ପାତ୍ର ଦଳିୟ ନିଷ୍ପତି କିପରି ବଦଳାଇଲେ ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।

ସେହିପରି ରାଜ୍ୟସଭା ସାଂସଦମାନେ କାହିଁକି ନିଜ ହିସାବରେ ଭୋଟ ଦେଲେ ସେ ଉପରେ ଚିନ୍ତା କରାଯିବାର ଆବଶ୍ୟକ ରହିଛି। ବିଜେଡିର ସମସ୍ତ ସାଂସଦଙ୍କୁ କାରଣ ଦର୍ଶା ନୋଟିସ ଜାରୀ କରିବା ପାଇଁ ସେ ଅନୁରୋଧ କରିଛନ୍ତି। ଏପରିକି ଏହି ଷଢଯନ୍ତ୍ର ପଛରେ କିଏ ଅଛି ତାହା ଅନୁଧ୍ୟାନ କରି କାର୍ଯ୍ୟାନୁଷ୍ଠାନ ନିଆଯାଉ ବୋଲି ପ୍ରତାପ ଦାବୀ କରିଛନ୍ତି।