ଏଆଇପିଏଚ୍‌ ଏବଂ ସାଇ ପକ୍ଷରୁ ସପ୍ତାହବ୍ୟାପୀ ମହିଳା ଦିବସ ପାଳିତ

ଭୁବନେଶ୍ୱର: ଏସିଆନ୍ ଇନଷ୍ଟିଚ୍ୟୁଟ୍ ଅଫ୍ ପବ୍ଲିକ୍ ହେଲଥ୍‌ (ଏଆଇପିଏଚ) ବିଶ୍ୱବିଦ୍ୟାଳୟ, ଓଡ଼ିଶା, ଭାରତୀୟ କ୍ରୀଡା ପ୍ରାଧିକରଣ (ସାଇ)ର ମିଳିତ ଆନୁକୂଲ୍ୟରେ ମାର୍ଚ୍ଚ 3 ରୁ 9 ତାରିଖ ପର୍ଯ୍ୟନ୍ତ ଏକ ସପ୍ତାହ ବ୍ୟାପୀ ଅନ୍ତର୍ଜାତୀୟ ମହିଳା ଦିବସ ପାଳନ କରାଯାଇଛି। ଏଥିରେ ବିଭିନ୍ନ କାର୍ଯ୍ୟକଳାପ ମାଧ୍ୟମରେ ମହିଳା ସଶକ୍ତିକରଣକୁ ସମ୍ମାନ ପ୍ରଦର୍ଶନ କରାଯାଇଥିଲା। କାର୍ଯ୍ୟକ୍ରମରେ ସ୍ୱାସ୍ଥ୍ୟ, ପୁଷ୍ଟିସାର, ଆତ୍ମରକ୍ଷା, ବିଶେଷଜ୍ଞ ଆଲୋଚନା ଏବଂ ଉତ୍ସାହୀ ଛାତ୍ରୀମାନଙ୍କ ଦ୍ୱାରା ଯୋଗ ନୃତ୍ୟ ଉପରେ ଅଧିବେଶନ ଆୟୋଜନ କରାଯାଇଥିଲା। ମାର୍ଚ୍ଚ 6 ତାରିଖରେ ମହିଳା ସୁରକ୍ଷାର ଗୁରୁତ୍ୱ ଉପରେ ଏକ ସ୍ୱତନ୍ତ୍ର ଆତ୍ମରକ୍ଷା ଅଧିବେଶନ ଅନୁଷ୍ଠିତ ହୋଇଥିଲା।

କଟକର ଲଖେଶ୍ୱର ମହିଳା ମହାବିଦ୍ୟାଳୟରେ ସାଇକେଲ ଚାଳନା କାର୍ଯ୍ୟକ୍ରମ ଆୟୋଜନ କରାଯାଇଥିଲା। ସାଇର ଉପନିର୍ଦ୍ଦେଶକ ତ୍ରୈଲୋକ୍ୟନାଥ ସାହୁ ଅତିଥି ଭାବେ ଯୋଗ ଦେଇ ଅଂଶଗ୍ରହଣକାରୀମାନଙ୍କୁ ଉତ୍ସାହିତ କରିଥିଲେ। ସାମାଜିକ କର୍ମୀ ପ୍ରମୋଦିନୀ ରାଉଳଙ୍କ ଦ୍ୱାରା ଏକ ପ୍ରେରଣାଦାୟକ ଅଧିବେଶନ ଅନୁଷ୍ଠିତ ହୋଇଥିଲା। ଯୋଗ ଫେଡେରେସନ ଅଫ୍ ଓଡ଼ିଶା ଦ୍ୱାରା ଏକ ଉତ୍ସର୍ଗୀକୃତ ତାଲିମ ଅଧିବେଶନ ଐବହ  ପ୍ରତିଯୋଗିତା ଅନୁଷ୍ଠିତ ହୋଇଥିଲା।

ବିଜେତାମାନଙ୍କୁ ଏଆଇପିଏଚ ବିଶ୍ବବିଦ୍ୟାଳୟର ଉପ-କୁଳପତି ଡକ୍ଟର ଉଷା ଅଗ୍ରୱାଲ ଏବଂ ୱାଇଏଫଓ ସଭାପତି ଦିବାକର ଶ୍ରୀଚନ୍ଦନ ପୁରସ୍କୃତ କରିଥିଲେ। ପ୍ରଫେସର ଡକ୍ଟର ଦିନେଶ ପ୍ରସାଦ ସ୍ୱାଇଁ ଏବଂ ଅଧ୍ୟାପିକା ମୁନମୁନ ପଣ୍ଡା କାର୍ଯ୍ୟକ୍ରମ ପରିଚାଳନା କରିଥିଲେ।