୧୩ ତମ ଅଜିତ୍ ଜାତୀୟ ନାଟ୍ୟ ମହୋତ୍ସବ ୨୦୨୫: ପ୍ରଥମ ସନ୍ଧ୍ୟାରେ ପରିବେଷଣ ହେଲା “ତଟ୍ ନିରଞ୍ଜନା’

ଭୁବନେଶ୍ଵର: ଗୁରୁ ଅଜିତ ଦାସଙ୍କ ହାତ ତିଆରି ଅନୁଷ୍ଠାନ ଅଭିନୟ ଜାଗୃତି ଇନଷ୍ଟିଚିୟୁଟ ଅଫ ଥିଏଟର ତାର ପ୍ରତିଷ୍ଠା ଦିବସର ରୌପ୍ୟ ଜୟନ୍ତୀ ପାଳନ କରୁଛି, ଯାହା ୨୦ ତାରିଖରୁ ୨୨ ତାରିଖ ପର୍ଯ୍ୟନ୍ତ ଭୁବନେଶ୍ଵରର ରବିନ୍ଦ୍ରମଣ୍ଡପଠାରେ ପ୍ରତ୍ୟହ ସନ୍ଧ୍ୟା ୬.୩୦ ମିନିଟ ସମୟରେ ଅନୁଷ୍ଠିତ ହେବ। ପ୍ରଥମ ସନ୍ଧ୍ୟାରେ ଅଜିତ୍, ଭୁବନେଶ୍ଵରେ ପ୍ରସ୍ତୁତି ଓଡିଆ ନାଟକ “ତଟ୍ ନିରଞ୍ଜନା’ ପରିବେଷଣ ହୋଇଛି।

ଉକ୍ତ ନାଟକରେ ଉପେନ୍ଦ୍ର, ନିରଞ୍ଜନ, ବିଭୁ ପ୍ରସାଦ, ଉମା, ବିଜୟ, ସଂଗ୍ରାମ, ରବି, ହିମାଂଶୁ, ସିଦ୍ଧାର୍ଥ, ଆୟୁଷ୍ମାନ, ସ୍ମାଇଲ, ସୋନିକା, କଳ୍ପନା, ପାୟଲ, ଯାଜ୍ଞସେନୀ ଅଭିନୟ କରିଛନ୍ତି। ମଞ୍ଚ ପାଇଁ ପ୍ରଜ୍ଞା ଦତ୍ତ ସାହୁ ରହିଥିବା ବେଳେ ଆଲୋକ ସଜ୍ଜାରେ ନଳିନୀ ନିହାର ନାୟକ, ସଙ୍ଗୀତରେ କୈଳାଶ ସେନାପତି, ରୂପ ସଜ୍ୟା ସମରେଶ ପାଲ, ପୋଷାକରେ ମାମା, ମଞ୍ଚ ପରିଚାଳନାରେ ସାଗର ପଟ୍ଟନାୟକ, ସହ ପରିଚାଳନା ଦୀପକ ମେହେର, ହିମାଂଶୁ ଓ ଆୟୁଷ୍ମାନ ରହିଛନ୍ତି।

ସେହିଭଳି ଉକ୍ତ ନାଟକର ସଂଯୋଜନା ଦୀପକ ରଞ୍ଜନ ପତି, ରଚନା ଡଃ ବିଜୟ ମିଶ୍ର, ନିର୍ଦ୍ଦେଶନା ଅଜିତ୍ ଦାସ ଏବଂ ପରିଚାଳନା ଦାୟିତ୍ଵରେ ଡଃ ମାୟା ଦାସ ଥିଲେ।