ଭୁବନେଶ୍ବରରେ ପହଞ୍ଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଲୋକଙ୍କୁ ପଦ୍ମ ଚିହ୍ନ ଦେଖାଇ କଲେ ପ୍ରଚାର

ଭୁବନେଶ୍ବର: ଆଜି ରାତିରେ ଭୁବନେଶ୍ବରରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ସେ ଏକ ସ୍ବତନ୍ତ୍ର ବିମାନରେ ଆଜି ଭୁବେନଶ୍ବରରେ ପହଞ୍ଚିଥିଲେ। ବିମାନ ବନ୍ଦରରେ ତାଙ୍କୁ ଦଳୀୟ ନେତାମାନେ ସ୍ବାଗତ କରିଥିଲେ। ବିମାନ ବନ୍ଦରରେ ତାଙ୍କୁ ସ୍ବାଗତ କରିବା ପାଇଁ ଦଳ ତରଫରୁ ପାରଂପାରିତ ନୃତ୍ୟ ସଂଗୀତର ଆୟୋଜନ କରାଯାଇଥିଲା।

ମୋଦୀ ବିମାନ ବନ୍ଦରରୁ କାର ଯୋଗେ ରାଜଭବନ ଆସିଥିଲେ। ରାସ୍ତାରେ ଆସିବା ବେଳେ ତାଙ୍କୁ ଦେଖିବା ପାଇଁ ଛିଡା ହୋଇଥିବା ଜନ ସାଧାରଣଙ୍କୁ ମୋଦୀ ହାତ ହଲାଇ ଅଭିବାଦନ ଗ୍ରହଣ କରିଥିଲେ। ଏପରିକି ସେ ହାତରେ ପଦ୍ମ ଚିହ୍ନକୁ ଧରି ହଲାଇ ହଲାଇ ଲୋକଙ୍କୁ ଭୋଟ ଦେବା ପାଇଁ ନିବେଦନ କରିଥିଲେ।

ପ୍ରଧାନମନ୍ତ୍ରୀ ଆଜି ରାତିରେ ରାଜଭବନରେ ରାତ୍ରୀ ଯାପନ କରିବେ। ଏହାପରେ ସେ ଆସନ୍ତାକାଲି ସକାଳୁ ବ୍ରହ୍ମପୁର ଏବଂ ପରେ ନବରଂଗପୁର ପ୍ରଚାରରେ ଯିବେ। ନିର୍ବାଚନ ତାରିଖ ଘୋଷଣା ହେବା ପରେ ଏହା ହେଉଛି ମୋଦୀଙ୍କ ପ୍ରଥମ ପ୍ରଚାର।