ଚିଲିକାରେ ରଘୁନାଥଙ୍କୁ ଟିକେଟ ମିଳିବା ପରେ କଣ କହିଲେ ଆଶାୟୀ ପ୍ରସନ୍ନ ପାଟ୍ଟଶାଣୀ, ପଢନ୍ତୁ

ଭୁବନେଶ୍ବର: ଶେଷରେ ଚିଲିକାର ପୂର୍ବତନ ବିଧାୟକ ରଘୁନାଥ ସାହୁଙ୍କୁ ବିଜେଡି ଟିକେଟ ଦେଇଛି। ଏହି ଆସନରେ ପ୍ରାର୍ଥୀ ହେବା ପାଇଁ ବହୁ ଆଶାୟୀ ରହିଥିଲେ। ସେମାନଙ୍କ ମଧ୍ୟରେ ଥିଲେ 4ଥର ବିଧାୟକ ଏବଂ 5 ଥର ସାଂସଦ ହୋଇଥିବା ବାବ ପ୍ରସନ୍ନ ପାଟ୍ଟଶାଣୀ। ସେ ଦୁଇ ତିନିଥର ନବୀନ ନିବାସ ଆସି କଥାବାର୍ତ୍ତା କରିଥିଲେ। ହେଲେ ଶେଷରେ ମାରିନେଲେ ରଘୁନାଥ।

ତେବେ ଏହି ଖବର ପାଇବା ପରେ ନିଜର ପ୍ରତିକ୍ରିୟା ରଖିଛନ୍ତି ପ୍ରସନ୍ନ ପାଟ୍ଟଶାଣୀ। ସେ କହିଛିନ୍ତି ଯେ, ପରବର୍ତ୍ତି ଅଭିମୁଖ୍ୟ କଣ ହେବ ତାହା ପରେ ଜଣାପଡିବ। ବର୍ତ୍ତମାନ ମୁଁ ବିଜେଡିରେ ଅଛି। ମୋ ପାଇଁ ପଦବୀ ବଡ ନୁହେଁ, ମାନ ସମ୍ମାନ ହେଉଛି ବଡ। ଦଳର ଜଣେ ଶୃଙ୍ଖଳିତ କର୍ମି ଭାବରେ କାର୍ଯ୍ୟ କରୁଛି। ହେଲେ ରାଜନୀତିରେ ସମୟ ବଡ ବଳବାନ। କିଏ ରହିବ କିଏ ଯିବ ତାହା କହିବା ମୁସ୍କିଲ, ତାହା ସମୟ କେବଳ କହିବ ବୋଲି ପାଟ୍ଟଶାଣୀ କହିଛନ୍ତି।