ରେଳ ମନ୍ତ୍ରୀଙ୍କ ଦ୍ୱାରା ଗୋପୀନାଥପୁର ନୀଳଗିରି ଓ ବାଲେଶ୍ୱର ନୂତନ ମେମୁ ଟ୍ରେନ୍ ସେବାର ଶୁଭାରମ୍ଭ

ଭୁବନେଶ୍ୱର: ଅଶ୍ୱିନୀ ବୈଷ୍ଣବ ରେଳବାଇ, ଯୋଗାଯୋଗ, ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ଆଜି ଗୋପୀନାଥପୁର ନୀଳଗିରି ରେଳ ଷ୍ଟେସନ ଠାରେ ଆୟୋଜିତ ଏକ କାର୍ଯ୍ୟକ୍ରମରେ ଗୋପୀନାଥପୁର ନୀଳଗିରି – ବାଲେଶ୍ୱର ନୂତନ ଏମୟୁ ଟ୍ରେନ ସେବାକୁ ପତାକା ଉତ୍ତୋଳନ କରି ଶୁଭାରମ୍ଭ କରିବାସହ ଏବଂ ବାଲେଶ୍ୱର-ଗୋପୀନାଥପୁର ନୀଳଗିରି ଯାତ୍ରୀବାହୀ ଲାଇନକୁ ଦେଶ ପାଇଁ ଉତ୍ସର୍ଗ କରିଥିଲେ।

ବାଲେଶ୍ୱର ପର୍ଯ୍ୟନ୍ତ ପ୍ରଥମ ଯାତ୍ରୀବାହୀ ଟ୍ରେନ୍ ସଂଯୋଗ ପାଇଥିବାରୁ ରେଳମନ୍ତ୍ରୀ ଗୋପୀନାଥପୁର ନୀଳଗିରିର ସ୍ଥାନୀୟ ଲୋକଙ୍କୁ ଅଭିନନ୍ଦନ ଜଣାଇଛନ୍ତି। ସେ କହିଛନ୍ତି ଯେ ଓଡ଼ିଶା ରାଜ୍ୟରେ ରେଳ ନେଟୱାର୍କକୁ ବିସ୍ତାର କରିବା ଉଦ୍ଦେଶ୍ୟରେ ଭାରତୀୟ ରେଳବାଇ ଏହି ଅଞ୍ଚଳ ପାଇଁ ନୂତନ ଷ୍ଟେସନ ବିଲଡିଂ, ନୂତନ ପାସେଞ୍ଜର ଲାଇନ ଏବଂ ନୂତନ ମେମୁ ସେବାର ପ୍ରତିଶୃତି ପୂରଣ କରିଛି। ଗୋପୀନାଥପୁର ନୀଳଗିରି ଠାରେ ଅନୁଷ୍ଠିତ ଉଦଘାଟନୀ ଉତ୍ସବରେ ମାନ୍ୟବର ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ ଏବଂ ମାନ୍ୟବର ବିଧାୟକ ସୁକାନ୍ତ କୁମାର ନାୟକ ଉପସ୍ଥିତ ଥିଲେ।

ଏହି ରୁଟରେ ପ୍ରତିଦିନ ତିନି ଯୋଡି MEMU ଟ୍ରେନ୍ ଚାଲିବ। MEMU ଟ୍ରେନର ନିୟମିତ ଚାଲିବା ୧୪ ତାରିଖରୁ ଆରମ୍ଭ ହେବ ଏବଂ ସମସ୍ତ MEMU ଟ୍ରେନ୍ ସୁତେଇ ବଡ଼ଗାଁ ଷ୍ଟେସନ ଠାରେ ରହିବ।

ପରେ, ବେତନଟୀ ଷ୍ଟେସନରେ ଆୟୋଜିତ ଏକ କାର୍ଯ୍ୟକ୍ରମରେ ମାନ୍ୟବର ରେଳମନ୍ତ୍ରୀ ବେତନଟୀ ଷ୍ଟେସନରେ ସବୱେ ପାଇଁ ମୂଳଦୁଆ ପକାଇଲେ। ଏହା ଯାତ୍ରୀମାନଙ୍କର ସୁଗମ ପ୍ରବେଶ ଏବଂ ପ୍ରସ୍ଥାନ ଏବଂ ସ୍ଥାନୀୟ ଲୋକଙ୍କ ମୁକ୍ତ ଚଳାଚଳ ନିଶ୍ଚିତ କରିବ। ସେ ବେତନଟୀ ଷ୍ଟେସନରେ ନୂତନ PRS କାଉଣ୍ଟରର ଉଦଘାଟନ କରିଛନ୍ତି। ନୂତନ ଭାବେ ଖୋଲା ଯାଇଥିବା PRS କାଉଣ୍ଟର ସ୍ଥାନୀୟ ବାସିନ୍ଦାଙ୍କ ପାଇଁ ସୁବିଧାଜନକ ଏବଂ ସମୟ ସଂଚୟ ଟିକେଟ୍ ବୁକିଂ ସୁବିଧା ଯୋଗାଇବ।

ବେତନଟୀ ଠାରେ ଅନୁଷ୍ଠିତ କାର୍ଯ୍ୟକ୍ରମରେ ମାନ୍ୟବର କେନ୍ଦ୍ର ମନ୍ତ୍ରୀ ଜଲ ଶକ୍ତି ଏବଂ ଆଦିବାସୀ ବ୍ୟାପାର ମନ୍ତ୍ରୀ ବିଶ୍ୱେଶ୍ୱର ଟୁଡୁ, ମାନ୍ୟବର ସାଂସଦ ପ୍ରତାପ ଚନ୍ଦ୍ର ଷଡ଼ଙ୍ଗୀ ଏବଂ ମାନ୍ୟବର ବିଧାୟକ ସନାତନ ବିଜୁଲି ଉପସ୍ଥିତ ଥିଲେ।

ଦକ୍ଷିଣ ପୂର୍ବାଞ୍ଚଳ ରେଳ ବିଭାଗର ଜେନେରାଲ ମ୍ୟାନେଜର ଅନିଲ କୁମାର ମିଶ୍ର ଗୋପୀନାଥପୁର ନୀଳଗିରି ଏବଂ ବେତନଟୀରେ ଆୟୋଜିତ ଉଭୟ କାର୍ଯ୍ୟକ୍ରମରେ ରେଳମନ୍ତ୍ରୀ ତଥା ଅନ୍ୟ ଅତିଥିମାନଙ୍କୁ ସ୍ୱାଗତ କରିଥିଲେ। ଏହି କାର୍ଯ୍ୟକ୍ରମରେ କେ ଆର ଚୌଧୁରୀ, ବିଭାଗୀୟ ରେଳ ପରିଚାଳକ, ଖଡ଼ଗ୍ପୁର ଏବଂ ଦକ୍ଷିଣ ପୂର୍ବ ରେଳର ଅନ୍ୟ ପ୍ରଧାନ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ।