କାଳୁପଡା ଘାଟ ନିକଟରେ ଚଳନ୍ତା ଟ୍ରେନରୁ ଖସି ଯାତ୍ରୀ ଗୁରୁତର

ଖୋର୍ଦ୍ଧା: ଚଳନ୍ତା ଟ୍ରେନରୁ ଖସିପଡି ଜଣେ ଯାତ୍ରୀ ଗୁରୁତର ହୋଇପଡିଥିବା ସୂଚନା ମିଳିଛି। ଗୁରୁତର ଯାତ୍ରୀଙ୍କର ନାମ ସନ୍ତୋଷ କୁମାର ପଣ୍ଡା (୪୦)।

ସନ୍ତୋଷ ପଣ୍ଡା ଟ୍ରେନ ଯୋଗେ ବ୍ରହ୍ମପୁରରୁ କାଳୁପଡା ଘାଟ ଆସୁଥିବା ଵେଳେ କୌଣସି କାରଣବଶତଃ କାଳୁପଡା ଘାଟ ନିକଟରେ ଟ୍ରେନରୁ ଖସି ପ୍ଲାଟ ଫର୍ମ ଉପରେ ପଡ଼ିଯାଇଥିଲେ। ଫଳରେ ସନ୍ତୋଷ ଗୁରୁତର ହୋଇଥିଲେ।

ତାଙ୍କୁ ୧୦୮ ଆମ୍ବୁଲାନ୍ସ ଯୋଗେଁ ଉଦ୍ଧାର କରି ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ପରେ ଅଧିକ ଚିକିତ୍ସା ପାଇଁ ସନ୍ତୋଷଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି। ସନ୍ତୋଷଙ୍କର ଘର ବ୍ରହପୁର ବୋଲି ଜଣାପଡିଛି। ସେ ବ୍ୟବସାୟ କାମରେ ଚାନ୍ଦପୁର ଆସୁଥିଲେ।