ସ୍କୁଟି ଦୁର୍ଘଟଣାରେ ଜଣେ ମୃତ, ଜଣେ ଗୁରୁତର 

ରେଢାଖୋଲ (କନ୍ଦର୍ପ ବେହେରା): ଆଜି ଅପରାହ୍ନ ପାଞ୍ଚଟା ସମୟରେ ସ୍କୁଟି ଦୁର୍ଘଟଣାରେ ଜଣେ ମୃତ୍ୟୁବରଣ କରିଥିବା ବେଳେ ଆଉ ଜଣେ ଗୁରୁତର ଆହତ ହୋଇଥିବା ଜଣା ପଡିଛି।

ସୂଚନାରୁ ପ୍ରକାଶ ଯେ, ନାକଟିଦେଉଳ ଥାନା ଅନ୍ତର୍ଗତ କୁଞ୍ଜାମୁରା ଗ୍ରାମର ମମତା ନାଏକ ଓ ତଅପୋଇ ବେହେରା କୌଣସି କାମରେ ନାକଟିଦେଉଳ ଯାଉଥିଲେ। ଏହି ସମୟରେ ହିଂଜାମୁରା ସିରିଗିଡା ପୋଲ ନିକଟସ୍ଥ ବୁଲାଣିରେ ଭାରସାମ୍ୟ ହରାଇ ରାସ୍ତା କଡରେ ପୋତା ହୋଇଥିବା ପିଲର ଖୁଣ୍ଟରେ ଉଭୟ ପିଟିହୋଇଥିଲେ।

ଏ ସମ୍ପର୍କରେ ଖବରପାଇ ନାକଟିଦେଉଳରୁ ଦମକଳବାହିନୀ ଯାଇ ଉଦ୍ଧାରକରି ନାକଟିଦେଉଳ ଡାକ୍ତରଖାନାରେ ଉଭୟଙ୍କୁ ଭର୍ତ୍ତି କରିଥିଲେ। ହେଲେ ଡାକ୍ତର ତଅପୋଇ ବେହେରା (୩୨)ଙ୍କୁ ମୃତ ଘୋଷଣା କରିଥିଲେ।

ଗୁରୁତର ଆହତ ମମତା ନାଏକ (୪୦)ଙ୍କୁ ପ୍ରାଥମିକ ଚିକତ୍ସା ପରେ ବୁର୍ଲା ସ୍ଥାନାନ୍ତରିତ କରାଯାଇଛି।

ନାକଟିଦେଉଳ ପୋଲିସ ଡାକ୍ତରଖାନା ପହଂଚି ମୃତକଙ୍କ ଶବକୁ ଜବତ କରି ଥିବା ବେଳେ ଆସନ୍ତାକାଲି ବ୍ୟବଛେଦ ପାଇଁ ରେଢ଼ାଖୋଲ ପଠାଯିବ ବୋଲି ଜଣାପଡିଛି।