ମାଛ ଧରିବାକୁ ଯାଇ ଶାଳିଆ ଡ୍ୟାମରେ ବୁଡି ବୃଦ୍ଧ ମୃତ

ବେଗୁନିଆପଡ଼ା (ଟୁକୁନା ପ୍ରଧାନ): ଆଜି ପୂର୍ବାହ୍ନରେ ଗଞ୍ଜାମ ଜିଲ୍ଲା ବେଗୁନିଆପଡ଼ା ଥାନା ଅନ୍ତର୍ଗତ କୁମ୍ଭାରଗାଁ ପଞ୍ଚାୟତର ଖଡ଼ିକା ଢେପ ଗ୍ରାମରେ ଏକ ଅଭାବନୀୟ ଘଟଣା ଘଟିଯାଇଛି। ମାଛ ଧରିବା ପାଇଁ ଶାଳିଆ ଡ୍ୟାମକୁ ଯାଇ ଖଡ଼ିକା ଢେପ ଗ୍ରାମର ଜନୈକ ବୃଦ୍ଧ ପାଣିରେ ବୁଡି ମୃତ୍ୟୁ ବରଣ କରିଛନ୍ତି।

ପ୍ରାପ୍ତ ସୁଚନା ଅନୁଯାୟୀ, ସୌରୀ ବେହେରା (୭୩)  ସବୁ ଦିନ ପରି ଆଜି ମାଛ ଧରିବାକୁ ଭେଳାରେ ଯାଇଥିଲେ। କିନ୍ତୁ ଭାରସାମ୍ୟ ହରାଇ ପାଣିରେ ବୁଡିଯାଇଥିଲେ। ନିକଟରେ ଥିବା ଲୋକେ ତାଙ୍କୁ ତୁରନ୍ତ ଖଲ୍ଲିକୋଟ ମେଡ଼ିକାଲକୁ ନେବା ପରେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।

ବେଗୁନିଆପଡ଼ା ପୋଲିସ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଥିବା ସହ ସୌରୀଙ୍କ ଝିଅ ବିଶାଖାଙ୍କ ଏତଲାକୁ ଭିତ୍ତି କରି ଏକ ଅପମୃତ୍ୟୁ ମାମଲା ରୁଜ୍ଜୁ କରିଛି।