ଭଦ୍ରକ: ମନ୍ତ୍ରୀଙ୍କ ନାଲିଆଖି ଆଗରେ ପୋଲିସ ପ୍ରଶାସନ ନିରବ ସାଜିଛି । ମନ୍ତ୍ରୀ ପ୍ରଫୁଲ ସାମଲ ଓ ତାଙ୍କ ବହୁବଳୀ ପୁଅ ପ୍ରୟାସକାନ୍ତିଙ୍କ ନାଲିଆଖି ଆଗରେ ଜିଲ୍ଲା ପୋଲିସ ଥରବର ହେଉଛି । ଗତ କଛି ବର୍ଷ ହେବ ଜମି ଦୁର୍ନୀତି ମାମଲାରେ ଛନ୍ଦି ହେଇ ପଡ଼ିଥିବା ବେଳେ ପ୍ରତିବାଦ କରିଥିବା ସାଧାରଣ ଜନତାଙ୍କୁ ରାଜରାସ୍ତାରେ ହତ୍ୟା ଧମକ ଆସିଛି । ଗତ ୪ ତାରିଖରେ ଜିଲ୍ଲାର ସ୍ୱାଭିମାନୀ ମଣିଷ ରାଜଧାନୀରେ ପ୍ରତିବାଦ କରିବାକୁ ଆସିଥିଲେ । ପ୍ରତିବାଦ କରି ଘରକୁ ଫେରିବା ବାଟରେ ରାନ୍ଦିଆ ସିନେମା ହଲ ପାଖରେ ମନ୍ତ୍ରୀଙ୍କ ସମର୍ଥକମାନେ ସେମାନଙ୍କୁ ମାରଣାନ୍ତକ ଆକ୍ରମଣ କରିଥିଲେ । ଯାହାକୁ ନେଇ ଭଦ୍ରକ ଗ୍ରାମାଞ୍ଚଳ ଥାନରେ ଲିଖିତ ଅଭିଯୋଗ ହେଇଥିଲେ ମଧ୍ୟ ପୋଲିସ ନିରବ ସାଜିଛି । ଯାହାକୁ ନେଇ ସାଧାରଣ ମଣିଷ ମନରେ ଭୟ ସୃଷ୍ଟି ହୋଇଛି । ଜିଲ୍ଲା ପ୍ରଶାସନ ଠାରୁ ଆରମ୍ଭ କରି ନେତା ଓ ନେତୃତ୍ୱଙ୍କ ପାଖରେ ଅଭିଯୋଗ କରିଥିଲେ ମଧ୍ୟ ପୋଲିସର ହାତ ଖାଲି ରହିଛି । ପୋଲିସଙ୍କୁ ପଚାରିଲେ ତଦନ୍ତ ଚାଲିଥିବା କହି ସମୟ ଗଡ଼ାଉ ଥିବା ବେଳେ ଭୟରେ ସାଧାରଣ ମଣିଷ ଜୀବନ କାଟୁଛି । ଯାହାକୁ ନେଇ ଆଗାମୀ ଦିନରେ ମନ୍ତ୍ରୀ ଓ ତାଙ୍କ ପୁଅ ବିରୋଧରେ ଜନଆନ୍ଦୋଳନ ଦାନା ବାନ୍ଧୁଥିବା ଦେଖିବାକୁ ମିଳିଛି ।
ମନ୍ତ୍ରୀ ପ୍ରଫୁଲ ସାମଲ ଓ ତାଙ୍କ ବହୁବଳୀ ପୁଅ ପ୍ରୟାସକାନ୍ତିଙ୍କ ନାଲିଆଖି ଆଗରେ ଜିଲ୍ଲା ପୋଲିସ ଥରବର !
