ବିଦେଶୀ ନାଗରିକଙ୍କୁ ମୋବାଇଲ ସିମ୍ କାର୍ଡ୍ ବିକ୍ରି ଅଭିଯୋଗରେ ଦୁଇ ଯୁବକ ଗିରଫ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବେଆଇନ ଭାବେ ବିଦେଶୀ ନାଗରିକମାନଙ୍କୁ ମୋବାଇଲ ସିମ୍ କାର୍ଡ୍ ବିକ୍ରି ଅଭିଯୋଗରେ ସାମୁଦ୍ରିକ ଥାନା ପୋଲିସ୍ ଜି ସାମ୍ବା ନାମକ ଜଣେ ବନ୍ଦର କର୍ମଚାରୀ ଓ କତୁରୁ ଗ୍ରାମର ମୋବାଇଲ ଫୋନ ଦୋକାନୀ ଏମ୍ କାମେୟାକୁ ଗିରଫ କରି ଉଭୟଙ୍କ ଠାରୁ ସମୁଦାୟ ୭୦ ଟି ସିମ୍ କାର୍ଡ ସହ ୨୨ ଆମେରିକୀୟ ଡଲାର ଜବତ କରିଛନ୍ତି। ଏହି ବେଆଇନ କାରବାରର କାରଣ ବିଷୟରେ ସ୍ବତନ୍ତ୍ର ଦୃଷ୍ଟି ରଖି ଗଭୀର ଅନୁସନ୍ଧାନ ଚଳାଇଛନ୍ତି। ଏହି ତଦନ୍ତ କାର୍ଯ୍ୟକ୍ରମରେ ଛତ୍ରପୁର ଏସ୍ ଡି ପି ଓ, ଚମାଖଣ୍ଡି ଓ ସାମୁଦ୍ରିକ ଥାନା ଅଧିକାରୀ ଅଂଶଗ୍ରହଣ କରିଛନ୍ତି।