ଟ୍ରକ ଧକ୍କାରେ ବାପା,ପୁଅ ମୃତ !

ରାଉରକେଲା : ରାସ୍ତାପାର ହେଉଥିବା ବେଳେ ବାପା,ପୁଅଙ୍କୁ ପିଟି ଦଲୋ ଟ୍ରକ । ଫଳରେ ଘଟଣା ସ୍ଥଳରେ ହିଁ ବାପା ଓ ପୁଅର ମୃତ୍ୟୁ ଘଟିଥିବା ଜଣାପଡିଛି । ମୃତକ ଦ୍ୱୟ ହେଲେ ଶମ୍ବୁନାଥ ସେଠୀ ଓ ମୁନା ସେଠୀ ।ଏଭଳି ଦୁଖଃଦ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ରାଉରକେଲାର ବାଲୁଘାଟ ନିକଟରେ । ସୂଚନା ମୁାବକ, ଗତକାଲି ରାତି ପ୍ରାୟ ୧୨ଟା ବେଳେ ୧୪୩ ନମ୍ବର ଜାତୀୟ ରାଜପଥର ବାଲୁଘାଟ ନିକଟରେ ଟ୍ରକ୍ ପାର୍କିଂ କରି ରାସ୍ତା ପାର ହେଉଥିବା ବେଳେ ଆଉ ଏକ ଟ୍ରକ୍ ସେମାନଙ୍କୁ ପିଟି ଦେଇଥିଲା। ଘଟଣାସ୍ଥଳରେ ହିଁ ସେମାନଙ୍କ ମୃତ୍ୟୁ ଘଟିଥିଲା।ସେପଟେ ଏହି ଘଟଣାକୁ ନେଇ ଘଟଣାସ୍ଥଳରେ ରାସ୍ତାରୋକ କରାଯାଇଛି।