ବିଜେଡି ବିଧାୟକ ଅରବିନ୍ଦ ମହାପାତ୍ରଙ୍କ ପାଣ୍ଡିଆନଙ୍କୁ ନେଇ ଯେଉଁ ପ୍ରଶ୍ନ ଥିଲା, ତାହାର ଉତ୍ତର ଦେବାକୁ ବିଜେପି ଚୁପ କାହିଁକ ?

ଭୁବନେଶ୍ବର: ବିଧାନସଭାରେ ପାଣ୍ଡିଆନଙ୍କୁ ନେଇ ବିଜେଡିର ଯୁବ ବିଧାୟକ ଅରବିନ୍ଦ ମହାପାତ୍ର ଯେଉଁ ପ୍ରଶ୍ନ କରିଥିଲେ ତାହାର ଉତ୍ତର ଏ ପର୍ଯ୍ୟନ୍ତ ମିଳିଲା ନାହିଁ। ବିଧାନସଭାରେ ସେ ଏହି ପ୍ରଶ୍ନ ପଚାରିଥିଲେ। ହେଲେ ନା ସରକାର ଏହାର ଉତ୍ତର ଦେଲେ, ନା ବିଜେପି ଦଳ ଏହାର ସ୍ପଷ୍ଟିକରଣ ଦେଲେ। ଯାହାକୁ ନେଇ ସାଧାରଣରେ ବେଶ ଚର୍ଚ୍ଚା ଆରମ୍ଭ ହୋଇଛି।

ପାଟକୁରା ବିଧାୟକ ଅରବିନ୍ଦ ମହାପାତ୍ର ବିଧାନ ସଭାରେ ପ୍ରଶ୍ନ କରିଥିଲେ ଯେ, ବିଜେପି ସରକାର ଯିଏ ହେଲିକାପ୍ଚରରେ ବୁଲି ପ୍ରଚାର କରୁଥିଲେ ତାଙ୍କ ବିରୋଧରେ ତଦନ୍ତ ହେବ ବୋଲି କହିଥିଲେ। ହେଲେ ସରକାର ଆସିବାର ଏତେଦିନ ହେଲାଣି କାହିଁ ତାହାର କିଛି ତଦନ୍ତ ହେଲା କି? ବିଜେପି ସରକାର ସେପରି ତାକତ ନାହିଁ ବୋଲି ଅରବିନ୍ଦ କହିଥିଲେ।

ସେହିପରି ଅରବିନ୍ଦ କହିଥିଲେ ଯେ, ବିଜେପି ସରକାର ଦୁଇ ଜଣ ଅଣ ଓଡିଆ ଆଇପିଏସ ଅଫିସର ବିଜେଡି କାମ କରୁଛନ୍ତି ବୋଲି ଅଭିଯୋଗ କରୁଥିଲେ। ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠ କରାଯିବ ବୋଲି ବାହ୍ୟସ୍ପୋଟ ମାରିଲେ। ହେଲେ ସେମାନଙ୍କୁ ମୁଖ୍ୟମନ୍ତ୍ରୀ କିପରି କ୍ଲିନ ଚିଟ ଦେଲେ। ସେମାନଙ୍କୁ କିପରି କେନ୍ଦ୍ର ସରକାର ଭଲ ଯାଗାରେ ଥଇଥାନ କଲେ। ଏହିପରି ରାଜ୍ୟ ସରକାରଙ୍କୁ ପ୍ରଶ୍ନବାଣ କରିଥିଲେ ଯୁବ ବିଧାୟକ ଅରବିନ୍ଦ ମହାପାତ୍ର।

ତେବେ ଏହାର ଉତ୍ତର ନା ସରକାର ଦେଉଛନ୍ତି ନା ସରକାରୀ ଦଳ। ବିଜେପିର ଏପରି ପରିସ୍ଥିତି ଦେଖି ଅରବିନ୍ଦ କଟାକ୍ଷ କରି କହିଛନ୍ତି ଯେ, ବିଜେପି ନା ଅଯାଗା ଘା କାହାକୁ ଦେଖାଇପାରୁଛି ନା ନିଜେ ଦେଖିପାରୁଛି।