ଗୁରୁକୂଳ ଆମସେନାର ୫୮ ବାର୍ଷିକ ଉତ୍ସବରେ ଉପମୁଖ୍ୟମନ୍ତ୍ରୀଙ୍କ ଯୋଗଦାନ

ଭୁବନେଶ୍ଵର: ନୂଆପଡ଼ା ଜିଲ୍ଲା ଖରୀଆର ରୋଡ ଆମସେନା ଠାରେ ଓଡିଶା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂ ଦେଓ ଦିନିକିଆ ଗସ୍ତ, ଆସି ଗୁରୁକୂଳ ଆଶା ଆମସେନାର ୫୮ ତମ ବାର୍ଷିକ ଉତ୍ସବ ଯୋଗଦାନ କରିଛନ୍ତି। ଭୁବନେଶ୍ୱର ଠାରୁ ସ୍ୱତନ୍ତ୍ର ପ୍ଲେନରେ ଗୌତମା ଏୟାର ଷ୍ଟ୍ରୀପରେ ଅବତରଣ କରି ସଡ଼କ ପଥରେ ସେ ଆମସେନା ଠାରେ ଯୋଗ ଦେଇଥିଲେ।

ଗତ ତିନିଦିନ ବ୍ୟାପୀ ଅନୁଷ୍ଠିତ ୨୫୧ କୁଣ୍ଡିଆ ହବନ କାର୍ଯ୍ୟକ୍ରମ ଚାଲି ରହିଥିବା ବେଳେ ଆଜି ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂ ଦେଓଙ୍କ ଦ୍ଵାରା ଅଗ୍ନିରେ ପୂର୍ଣ୍ଣାହୁତି ହୋଇଥିଲା।

ଏହି ଉପଲକ୍ଷେ ଏକ ଛାତ୍ରା ବାସ ଭୂମିପୂଜନ ହୋଇଅଛି। ପୂର୍ବତନ ସାଂସଦ ବସନ୍ତ କୁମାର ପଣ୍ଡା, ନଗର ଅଧ୍ୟକ୍ଷ ସୋନିଆ ଜୈନ, ଗୁରୁକୂଳ ସଂସ୍ଥାପକ ସ୍ବାମୀ ଧର୍ମାନନ୍ଦ ସରସ୍ବତୀ, ଗୁରୁକୂଳ ଆଚାର୍ଯ୍ୟ ବ୍ରତାନନ୍ଦ୍ ସରସ୍ବତୀ, ଦିଲ୍ଲୀ ସ୍ବାମୀ ଆର୍ଯ୍ୟବେଶ ଜି, ଆଦିତ୍ୟ ବେଶ, ରାଜସ୍ଥାନ ସ୍ଵାମୀ ସଚ୍ଚିଦାନନ୍ଦ। କୁଞ୍ଜ ମନିଶି, ଆଚାର୍ଯ୍ୟ କୋମଳ ଜି ଙ୍କ ସହ ବହୁ ଆଚାର୍ଯ୍ୟ, ନାଗରିକ ମାନେ ଯୋଗ ଦେଇଥିଲେ।