ଶହେ ଦିନିଆ ଯକ୍ଷ୍ମା ମୁକ୍ତ ଭାରତ ଅଭିଯାନର ଶୁଭାରମ୍ଭ

ଭୁବନେଶ୍ଵର: ଗଞ୍ଜାମ ଜଳ୍ଲାର ଖଲ୍ଲିକୋଟ ଉପଖଣ୍ଡ ସ୍ତରୀୟ ସ୍ବାସ୍ଥ୍ୟ କେନ୍ଦ୍ର ରେ ଶହେ ଦିନିଆ ଯକ୍ଷ୍ମା ମୁକ୍ତ ଭାରତ ଅଭିଯାନ ସଚେତନତା କାର୍ଯ୍ୟକ୍ରମର ଶୁଭାରମ୍ଭ ସ୍ଵାସ୍ଥ୍ୟ କେନ୍ଦ୍ରର ସଭା ଗୃହରେ ଅନୁଷ୍ଠିତ ହୋଇଛି। ଖଲ୍ଲିକୋଟ ସ୍ବାସ୍ଥ୍ୟ କେନ୍ଦ୍ରର ମୁଖ୍ୟ ଚିକିତ୍ସା ଅଧିକାରୀ ଡାକ୍ତର ପ୍ରଦୀପ ଗନ୍ତାୟତଙ୍କ ପୌରହିତ୍ୟରେ ଏକ ବୈଠକ ତଥା ଆଲୋଚନା ଚକ୍ର ଅନୁଷ୍ଠିତ ହୋଇଥିଲା।

ଯକ୍ଷ୍ମା ମୁକ୍ତ ଭାରତ ଅଭିଯାନର ପ୍ରଥମ ଦିବସରୁ ହିଁ ଖଲ୍ଲିକୋଟ ବ୍ଲକକୁ କିପରି ଯକ୍ଷ୍ମା ମୁକ୍ତ କରିବା ପାଇଁ ସଂକଳ୍ପ ନେବାସହ ଯକ୍ଷ୍ମା ରୋଗର ପ୍ରକାର, ରୋଗୀର ଲକ୍ଷଣ, ରୋଗୀକୁ ଚିହ୍ନଟ ଓ ଚିକିତ୍ସା ସହିତ ରୋଗୀକୁ ମାଗଣା ଔଷଧ ସେବନରେ ସହଯୋଗ ସହିତ ମାସିକ ଏକ ହଜାର ଟଙ୍କା ଲେଖାଏଁ ଚିକିତ୍ସା ସହାୟତା ରାଶି ସରକାରଙ୍କ ଦ୍ଵାର ପ୍ରଦାନ କରାଯାଇ ଥିବା ସ୍ଵାସ୍ଥ୍ୟ କର୍ମୀଙ୍କୁ ପ୍ରକାଶ କରିଥିଲେ।

ଖଲ୍ଲିକୋଟ ବ୍ଲକ୍ ରେ ଲଙ୍ଗଳେଶ୍ବର ଓ ବଧି ନୂଆପଲ୍ଲି ପଞ୍ଚାୟତ ସମ୍ପୂର୍ଣ ଯକ୍ଷ୍ମା ମୁକ୍ତ ରହିଥିବା ବେଳେ ସମୁଦାୟ ୩୩୮ ରୋଗୀ ଚିହ୍ନଟ ହୋଇଥିବାବେଳେ ସେମାନଙ୍କ ମଧ୍ୟରୁ ୧୮୩ ଜଣ ରୋଗୀ ଔଷଧ ସେବନ କରୁଥିବା ସୂଚନା ଦେଇଛନ୍ତି।