ଭିଜିଲାନସ ହାତରେ ଧରାପଡିଲେ ପୋଲିସ ଏଏସଆଇ, ନେଉଥିଲେ ଲାଞ୍ଚ

ଭୁବନେଶ୍ବର: ଆଜି ଭିଜିଲାନ୍ସ ହାତରେ ଧରାପଡିଛନ୍ତି ଜଣେ ପୋଲିସ ଏଏସଆଇ। ସେ ଜଣେ ବ୍ୟକ୍ତିଙ୍କଠାରୁ ଲାଞ୍ଚ ନେଲାବେଳେ ଭିଜିଲାନ୍ସ ମାଡି ବସିଛନ୍ତି। ସେ ହେଉଛନ୍ତି ବାରିପଦା ଟାଉନ ଥାନା ଏଏସଆଇ ରାମ ଚନ୍ଦ୍ର ସୋରେନ। ସେ ଜଣଙ୍କର ଏଫଆଇଆରକୁ ରଫାଦଫା କରିଦବା ପାଇଁ ଛଅ ହଜାରଟଙ୍କା ଲାଞ୍ଚ ନେଉଥିଲେ।

ଘଟଣା ସ୍ଥଳରେ ଭିଜିଲାନ୍ସ ତାଙ୍କ ହାତରୁ ରଂଗ ବୋଳା ଟଙ୍କା ଜବତ କରିବା ସହିତ ତାଙ୍କର ଦୁଇଟି ସ୍ଥାନରେ ଚଢାଉ ଜାରୀ ରଖିଛନ୍ତି। ଏହି ଘଟଣା ଜଣାପଡିବା ପରେ ବାରିପଦା ସହରରେ ଚାଞ୍ଚଲ୍ୟ ଖେଳିଯାଇଛି।