ସିଂହଦ୍ବାରରୁ ଅଳ୍ପ ଦୂରରେ ନନ୍ଦିଘୋଷ ରଥ, ଆସନ୍ତାକାଲି ପୁଣି ହେବ ରଥଟଣା

ପୁରୀ: ଆଜି ମହାପ୍ରଭୃଙ୍କ ରଥଯାତ୍ରାର ପ୍ରଥମ ଦିନରେ ତିନି ରଥ ଆଗପଛ ହୋଇ ସିଂହଦ୍ବାରରୁ ଅଳ୍ପ ଦୂରରେ ରହିଛନ୍ତି। ପ୍ରଥମେ ବଡଭାଇ ବଳଭଦ୍ର ଏବଂ ପରେ ମା ସୁଭଦ୍ରାଙ୍କ ରଥ ଟଣାଯାଇଥିଲା। ଏହାପରେ ନନ୍ଦିଘୋଷ ରଥ କେତେ ହାତ ଗଡିବା ପରେ ସଂଧ୍ୟା ପାଇଁ ବନ୍ଦ ରହିଲା। ପୁଣି ଥରେ ଆସନ୍ତାକାଲି ରଥଟଣା ନୀତି ଆରମ୍ଭ ହେବ।

ଆଜି ନିର୍ଦ୍ଧାରିତ ସମୟରେ ମହାପ୍ରଭୃଙ୍କ ନୀତିକାନ୍ତି କରାଯାଇଥିଲା। ଏପରିକି ପହଣ୍ଡି ବିଜେ ନିର୍ଦ୍ଧାରିତ ସମୟ ପୂର୍ବରୁ ଆରମ୍ଭ ହୋଇଯାଇଥିଲା। ଏହାପରେ ଗଜପତି ମହାରାଜାଙ୍କ ଛେରା ପହଁରା ପରେ ଚାରମାଳ ଫିଟା ଏବଂ ରଥଟଣା କାର୍ଯ୍ୟ କରାଯାଇଥିଲା।