ବାଣପୁର ଏକତା ପରିଷଦ ଟ୍ରଷ୍ଟର ପ୍ରତିଷ୍ଠାତା ମୁଖ୍ୟଙ୍କୁ ସମ୍ମାନିତ କଲେ କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ

ବାଣପୁର (ସୀତାରାମ ଅଗ୍ରୱାଲ): ଭାରତର ସିଆଇଆଇ ଫାଉଣ୍ଡେସନ ଦିଲ୍ଲୀ ପକ୍ଷରୁ ଦୀର୍ଘ ତିରିଶ ବର୍ଷ ଧରି ଗ୍ରାମୀଣ ଆଦିବାସୀ ଅଞ୍ଚଳରେ କାର୍ଯ୍ୟରତ ଏକତା ପରିଷଦ ଟ୍ରଷ୍ଟର ପ୍ରତିଷ୍ଠାତା ମୁଖ୍ୟ ସନ୍ଧ୍ୟା ଦେବୀଙ୍କୁ ମହିଳା ଏକ୍ସଜାମପ୍ଲେୟାର ଗ୍ରାମୀଣ ମହିଳା ନେତୃତ୍ୱ କର୍ତ୍ତା ଭାବରେ ଦିଲ୍ଲୀ ଠାରେ ସମ୍ମାନିତ କରାଯାଇଅଛି। ଚଳିତ ବର୍ଷ ଭାରତର ୧୫ ଜଣ ମୁଖ୍ୟ ମହିଳା ନେତୃତ୍ୱ କର୍ତ୍ତାଙ୍କ ମଧ୍ୟରେ ସନ୍ଧ୍ୟାଦେବୀ ସ୍ଥାନ ପାଇଛନ୍ତି। ଦିଲ୍ଲୀଠାରେ ଏକ ଭଵ୍ୟ ସମାରୋହରେ ଦେଶର ଅର୍ଥ ମନ୍ତ୍ରୀ ନିର୍ମଳା ସୀତାରମଣଙ୍କ ଦ୍ୱାରା ଏହି ସମ୍ମାନ ପ୍ରଦାନ କରାଯାଇଛି।

ଖୋର୍ଦ୍ଧା ଜିଲ୍ଲା ବାଣପୁର ମାଟିର ଝିଅ ଗ୍ରାମୀଣ ସ୍ତରରୁ ଯାଇ ଏହି ଶ୍ରେଷ୍ଠ ସମ୍ମାନ ପାଇଥିବାରୁ ବାଣପୁର ପାଇଁ ସେ ଗର୍ବିତ ବୋଲି ପ୍ରକାଶ କରିଛନ୍ତି। ଏହି ସମ୍ମାନ ପାଇଁ ଯେଉଁମାନେ ତାଙ୍କ ନାମକୁ ପ୍ରସ୍ତାବିତ କରିଥିଲେ ଓ ସହଯୋଗ ସମର୍ଥନ କରିଥିଲେ ସମସ୍ତଙ୍କୁ ସେ ଧନ୍ୟବାଦ ସହ କୃତଜ୍ଞତା ଜଣାଇଛନ୍ତି।