ଖୋର୍ଦ୍ଧା ବିଧାନସଭାରେ ଦୁଇ ବିଧାୟକଙ୍କୁ ଟକ୍କର ଦେଉଛନ୍ତି କଂଗ୍ରେସର ସୋନାଲୀ ସାହୁ

ଭୁବନେଶ୍ବର: ଧିରେଧିରେ ସାରା ଓଡିଶାରେ ନିର୍ବାଚନ ପ୍ରଚାର ଜମିବାରେ ଲାଗିଛି। ସେହିପରି ରାଜ୍ୟର ମର୍ଯ୍ୟଦାସଂପର୍ଣ୍ଣ ଆସନ ଖୋର୍ଦ୍ଧାରେ ମଧ୍ୟ ପ୍ରଚାର ଜୋରଦାର ହୋଇଛି। ଏଠାରେ କଂଗ୍ରେସ ପ୍ରାର୍ଥୀ ସୋନାଲୀ ସାହୁ ପ୍ରଚାରକୁ ତୀବ୍ର କରିଛନ୍ତି। କାରଣ ସେ ଦୁଇ ଜଣ ବିଧାୟକଙ୍କୁ ଟକ୍କର ଦେଉଛନ୍ତି। ସେମାନେ ହେଲା ବିଧାୟକ ରାଜେନ୍ଦ୍ର ସାହୁ ଏବଂ ବିଧାୟକ ପ୍ରଶାନ୍ତ ଜଗଦ୍ଦେବ।

ଖୋର୍ଦ୍ଧାରୁ ବେଗୁନିଆ ବିଧାୟକ ରାଜେନ୍ଦ୍ରଙ୍କୁ ବିଜେଡି ଟିକେଟ ଦେଇଥିବା ବେଳେ ଚିଲିକା ବିଧାୟକ ପ୍ରଶାନ୍ତ ଜଗଦ୍ଦେବଙ୍କୁ ମଧ୍ୟ ବିଜେପି ଟିକେଟ ଦେଇଛି। ଏହି ଦୁଇ ରଥୀଙ୍କ ସହିତ ଏକା ଲଢେଇ କରୁଛନ୍ତି କଂଗ୍ରେସରୁ ସୋନାଲୀ ସାହୁ।

ସେଥିପାଇଁ ସେ ପ୍ରଚାର ତରିକାକୁ ଭିନ୍ନ ପ୍ରକାରର କରିଛନ୍ତି। ବିଶାଳ ରାଲି କରିବା ସହିତ ଘରକୁ ଘର ବୁଲି ମଧ୍ୟ ପ୍ରଚାର କରିବାରେ ଲାଗିଛନ୍ତି। ଗତକାଲି ସେ ଏବଂ ଭୁବନେଶ୍ବର କଂଗ୍ରେସ ସାଂସଦ ପ୍ରାର୍ଥୀ ୟାସିର ନୱାଜ ମିଳିତ ଭାବେ ପ୍ରଚାର କରିଥିଲେ। ଉଭୟ ଖୋର୍ଦ୍ଧା ନିର୍ବାଚନ ମଣ୍ଡଳୀର ଦ୍ୱର୍ଗାପୁର , ବାଜପୁର , ଅଣ୍ଡା , ତାପଙ୍ଗ , ଗାୟବନ୍ଧ , ତୋଟାପଡା , ପାନବରଜ ଓ ଖୋର୍ଦ୍ଧାରେ ରେ ମାରାଥନ ପ୍ରଚାର କରିଛନ୍ତି।