ଓଡିଶାରେ ବିଜେପି ସରକାର ଗଠନ କରିବା ପ୍ରଶ୍ନରେ ନବୀନ ଦେଲେ ମଜଦାର ଉତ୍ତର, ଦେଖନ୍ତୁ ଭିଡିଓ

ଭୁବନେଶ୍ବର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଓଡିଶାର ନିର୍ବାଚନ ପ୍ରଚାରରେ କହିଛନ୍ତି ଯେ ଏଥର ବିଜେପି ଓଡିଶାରେ ସରକାର ଗଠନ କରିବ। ସେତିକି ନୁହେଁ ସେ ବ୍ରହ୍ମପୁର ସଭାରେ କେଉଁଦିନ ବିଜେପି ଶପଥ ନେବ ତାହା ମଧ୍ୟ ଘୋଷଣା କରିଛନ୍ତି। ସେ କହିଛନ୍ତି ଯେ, ଜୁନ ୬ ତାରିଖରେ ବିଜେପିର ମୁଖ୍ୟମନ୍ତ୍ରୀ ପ୍ରାର୍ଥି କିଏ ହେବ ତାହା ଘୋଷଣା ହେବ। ଜୁନ ୧୦ ତାରିଖରେ ଓଡିଶାରେ ବିଜେପି ମୁଖ୍ୟମନ୍ତ୍ରୀ ଶପଥ ଗ୍ରହଣ କରିବେ।

ବିଜେପିର ଏପରି ଦମ୍ଭୋକ୍ତି ପ୍ରଶ୍ନର ଉତ୍ତରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯାହା କହିଲେ ତାହା ବେଶ ମଜଦାର। ଆକାଶ ମାର୍ଗରେ ନବୀନଙ୍କୁ ବିଜେଡି ନେତା କାର୍ତ୍ତିକ ପାଣ୍ଡିଆନ ଏକ ପ୍ରଶ୍ନ କଲେ। ପଚାରିଲେ ସାରେ ଓଡିଶାରେ ବିଜେପି ସରକାର ଗଠନ କରିବ ବୋଲି ସେମାନେ କହୁଛନ୍ତି। ଏହାର ଉତ୍ତରେ ନବୀନ ପଟ୍ଟନାୟକ କହିଲେ ଯେ, ସେମାନେ ବହୁ ଦିନ ହେଲା ଦିନରେ ସ୍ବପ୍ନ ଦେଖୁଛନ୍ତି। ଏହି ଉତ୍ତରକୁ ନେଇ ରାଜ୍ୟ ରଜାନୀତିରେ ବେଶ ଚର୍ଚ୍ଚା ଚାଲିଛି।