ବିଜେଡିରେ ଯୋଗ ଦେବା ପରେ ମୁଖ୍ୟମନ୍ତ୍ରୀଙ୍କୁ ସାକ୍ଷାତ କଲେ ଅଭିନେତ୍ରୀ ବର୍ଷା, ଲଢିବା ନେଇ ଚର୍ଚ୍ଚା

ଭୁବନେଶ୍ବର: ବିଜେଡିରେ ସାମିଲ ହେବା ପରେ ନବୀନ ନିବାସରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସାକ୍ଷାତ କରିଛନ୍ତି ଅଭିନେତ୍ରୀ ବର୍ଷା ପ୍ରିୟଦର୍ଶିନୀ। ଆଗାମୀ ରାଜନୈତିକ କ୍ୟାରିୟର ପାଇଁ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆର୍ଶିବାଦ ନେଇଛନ୍ତି। ଅନୁଭବଙ୍କ ସହିତ ଛାଡପତ୍ର ପରେ ବିଜେଡି ତାଙ୍କୁ ଦଳରେ ସାମିଲ କରାଇଛି। ସେପଟେ ଅନୁଭବ ବିଜେପିରେ ସାମିଲ ହୋଇଛନ୍ତି।

ତେବେ ବର୍ଷାଙ୍କୁ ବିଜେଡି କେଉଁଠି ପ୍ରାର୍ଥୀ କରିବ କି ପ୍ରଚାର ମଇଦାନରେ ଅବତିର୍ଣ୍ଣ କରାଇବ ସେ ନେଇ କୌଣସି ନିଷ୍ପତି ହୋଇପାରି ନାହିଁ। ତେବେ ବର୍ତ୍ତମାନର ପରିସ୍ଥିତି ଅନୁସାରେ ବର୍ଷାଙ୍କୁ କେଉଁଠି ଲଢିବା ପାଇଁ ଆସନ ନାହିଁ। ସେଥିପାଇଁ ସାଧାରଣରେ ଆଲୋଚନା ହେଉଛି ଅନୁଭବ ଯଦି କେଉଁଠାରୁ ପ୍ରାର୍ଥୀ ହୁଅନ୍ତି ତେବେ ତାଙ୍କ ବିରୋଧରେ ପ୍ରଚାର କରିବା ପାଇଁ ଦଳ ବର୍ଷାଙ୍କୁ ପ୍ରସ୍ତୁତ କରି ରଖିବ।