ଗୋ ମାଂସ ଚାଲଣ ସନ୍ଦେହରେ ଟ୍ରକକୁ ଅଟକ ରଖିଲା ପୋଲିସ

ନାଚୁଣୀ: ଆଜି ମଧ୍ୟାହ୍ନରେ ଖୋର୍ଦ୍ଧା ଜିଲ୍ଲା ନାଚୁଣୀ ଥାନା ପୋଲିସ ଗୋ ମାଂସ ଚାଲାଣ ସନ୍ଦେହରେ ଏକ ଟ୍ରକକୁ ଅଟକ ରଖି ତଦନ୍ତ ଜାରି ରଖିଛି। ସୂଚନା ମୁତାବକ କଲିକତାରୁ ହାଇଦ୍ରାବାଦ ଅଭିମୁଖେ ଏକ ଟ୍ରକ ଯାଉଥିବା ବେଳେ ସେଥିରେ ଗୋ ମାଂସ ଥିବା ସନ୍ଦେହ କରାଯାଉଛି।

ଏ ନେଇ ବଜରଙ୍ଗ ଦଳ କାର୍ଯ୍ୟକର୍ତା ସୂଚନା ପାଇବା ପରେ ଟ୍ରକକୁ ପିଛା କରିଥିଲେ ଏବଂ ନାଚୁଣୀ ପୋଲିସକୁ ଖବର ଦେଇଥିଲେ। ପୋଲିସ ବର୍ତ୍ତମାନ ଉକ୍ତ ଟ୍ରକକୁ ଅଟକାଇ ତଦନ୍ତ ଜାରି ରଖିଛି। ତେବେ ଟ୍ରକ ମଧ୍ୟରେ ମାଂସ ଥିବା ଖବର ହସ୍ତଗତ ହୋଇଛି। ତେବେ ତାହାର ପୁଙ୍ଖାନୁପୁଙ୍ଖ ତଦନ୍ତ ଜାରି ରଖିଛି ନାଚୁଣୀ ପୋଲିସ।