ବିଜେଡି ଛାଡିବାର କିଛି ସମୟ ପରେ ବିଜେପିରେ ମିଶିଲେ ପୂର୍ବତନ ବିଧାୟକ ପ୍ରିୟଦର୍ଶୀ ମିଶ୍ର

ଭୁବନେଶ୍ବର: ଶେଷରେ ବିଜେପିରେ ସାମିଲ ହେଲେ ଭୁବନେଶ୍ବର ଉତ୍ତରର ପୂର୍ବତନ ବିଧାୟକ ପ୍ରିୟଦର୍ଶୀ ମିଶ୍ର। ବିଜେଡି ଛାଡିବାର କିଛି ସମୟ ପରେ ସେ ରାଜ୍ୟ କାର୍ଯ୍ୟକାଳୟକୁ ଆସି ବିଜେପିରେ ସାମିଲ ହୋଇଛନ୍ତି। ଏଥିରେ ବିଜେପି ସଭାପତି ମନମୋହନ ସାମଲ, ଓଡିଶା ପ୍ରଭାରୀ ବିଜୟପାଲ ସିଂ ତୋମାର, ଦେବାଶୀଷ ନାୟକ, ସାଂସଦ ଅପରାଜିତା ଷଡଙ୍ଗୀ ଉପସ୍ଥିତ ଥିଲେ।

ଏହି ଅବସରରେ ପ୍ରିୟଦର୍ଶୀ କହିଛନ୍ତି ଯେ, ବିଜେଡିରେ ମୋତେ କୌଣସି ଦାୟିତ୍ବ ଦିଆଗଲା ନାହିଁ। ଦଳ ପ୍ରତିଷ୍ଠା ଦିନରୁ ମୁଁ ଛାତ୍ର ନେତା ଭାବେ ସେଠାରେ ଉପସ୍ଥିତ ଥିଲି। ହେଲେ ଦଳର ପ୍ରତିଷ୍ଠା ସମୟରେ ଯେଉଁମାନେ ଥିଲେ ସେମାନଙ୍କୁ ଧିରେଧିରେ ଦଳରୁ ବାଦ ଦିଆଯାଉଛି। ସେମାନଙ୍କର କୌଣସି ସ୍ଥିତି ବିଜେଡିରେ ନାହିଁ। ସେଥିପାଇଁ ମୁଁ ବିଜେଡି ଛାଡିଲି ବୋଲି ସେ କହିଛନ୍ତି। ପ୍ରିୟଦର୍ଶୀ ହେଉଛନ୍ତି ପୂର୍ବତନ ସାଂସଦ ପ୍ରସନ୍ନ ପାଟ୍ଟଶାଣୀଙ୍କ ଜୁଆଁଇ।