ଓଡିଶା ବିଜେପିର ପ୍ରାର୍ଥୀ ତାଲିକା: ‘ଏ’ ‘ବି’ ‘ସି’ ବର୍ଗରେ ଆସନ ହେଲା ଭାଗ, ଜାଣନ୍ତୁ କାରଣ

ଭୁବନେଶ୍ବର: ଓଡିଶାର ଉଭୟ ଲୋକସଭା ଏବଂ ବିଧାନସଭା ପାଇଁ ପ୍ରାର୍ଥୀ ତାଲିକା ଧରି ନୂଆଦିଲ୍ଲୀରେ ଅଛନ୍ତି ବିଜେପି ସଭାପତି ମନମୋହନ ସାମଲ। ସେଠାରେ ସେ ଶୀର୍ଷ ନେତୃତ୍ବଙ୍କ ସହିତ ଆଲୋଚନା କରି ଏହି ତାଲିକାକୁ ଚୁଡାନ୍ତ ରୂପରେଖ ଦେବେ। ତେବେ ମେଣ୍ଟ ଚର୍ଚ୍ଚା ମଧ୍ୟରେ ଦଳ ଓଡିଶାରୁ ବର୍ତ୍ତମାନ ୨୧ ଟି ଲୋକସଭା ଏବଂ ୧୪୭ ଟି ବିଧାନସଭା ଆସନ ପାଇଁ ପ୍ରାର୍ଥୀ ତାଲିକା ପ୍ରସ୍ତୁତ କରିଛି।

ତେବେ ଦଳ ବିଧାନସଭା ଆସନଗୁଡିକ ତିନୋଟି ବର୍ଗର ବିଭକ୍ତ କରିଛି। ସେଗୁଡିକ ହେଲା ‘ଏ’  ‘ବି’ ଏବଂ ‘ସି’ ବର୍ଗ। ଏଥିରେ ଦଳ ଯେଉଁ ଆସିନରେ ଅଧିକ ଜିତିବାର ସମ୍ଭାବନା ରହିଛି ତାହା ‘ଏ’ ବର୍ଗରେ ରଖିଛି। ସେହିପରି ଜିତିବା ସମ୍ଭାବନା ଅନୁସାରେ ‘ବି’ ଓ ‘ସି’ ବର୍ଗ କରାଯାଇଛି। ବିଶେଷ ସୁତ୍ର ଅନୁସାରେ ଦଳ ‘ଏ’ ବର୍ଗରେ ୩୭ ଟି ଆସନ ରଖିଥିବା ବେଳେ ‘ବି’ ବର୍ଗରେ ୬୫ ଏବଂ ‘ସି’ ବର୍ଗରେ ୪୫ ଟି ଆସନ ରଖିଛି।