ଆସନ୍ତାକାଲି ଦିନିକିଆ ଚିଲିକା ଗସ୍ତରେ ଆସିବେ ଛତିଶଗଡ ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନ: ଜାଣନ୍ତୁ କାର୍ଯ୍ୟକ୍ରମ

ଚିଲିକା (ସୀତାରାମ ଅଗ୍ରୱାଲ): ଆସନ୍ତାକାଲି ଛତିଶଗଡ ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନ ଦିନିକିଆ ଚିଲିକା ଗସ୍ତରେ ଆସୁଛନ୍ତି। ସେଠାରେ ବିଭିନ୍ନ ଶିବ ମନ୍ଦିର ଦର୍ଶନ କରିବା ସହ ଏକ ସାମାଜିକ କାର୍ଯ୍ୟକ୍ରମରେ ଯୋଗଦେବେ। ରାଜ୍ୟପାଳ ଶ୍ରୀ ହରିଚନ୍ଦନ ଆସନ୍ତାକାଲି ପୂର୍ବାହ୍ନରେ ଚଣ୍ଡେଶ୍ୱର ସ୍ଥିତ ବାବା ଚଣ୍ଡହରି ଦେବ ଶିବ ମନ୍ଦିର ଦର୍ଶନ କରିବା ସହ ସେଠାରେ ପୂଜାର୍ଚନା କରି ସ୍ଥାନୀୟ ଅଞ୍ଚଳବାସିଙ୍କୁ ଭେଟିବେ। ଏହାପରେ ରାଜ୍ୟପାଳ ନାଚୁଣୀ ହରିପୁରସ୍ଥିତ ବାବା ପ୍ରତାପେଶ୍ୱର ଦେବ ଶିବ ମନ୍ଦିର ଦର୍ଶନ କରିବା ସହ ସେଠାରେ ପୂଜାର୍ଚନା କରି ସ୍ଥାନୀୟ ଅଞ୍ଚଳବାସିଙ୍କୁ ଭେଟିବେ।

ଏହାପରେ ରାଜ୍ୟପାଳ ଶ୍ରୀ ହରିଚନ୍ଦନ ନାଚୁଣୀସ୍ଥିତ ବାସଭବନରେ ପହଞ୍ଚି ସେଠାରେ ମଧ୍ୟାହ୍ନ ଭୋଜନ କରିବେ। ଅପରାହ୍ନ ୩.୩୦ ଘଟିକା ସମୟରେ ବାଣପୁର ଭେଟଶ୍ୱର ଗ୍ରାମ ସ୍ଥିତ ବାବା ଭେଟିନାଥ ଦେବ ଶିବ ମନ୍ଦିର ଦର୍ଶନ କରିବା ସହ ସେଠାରେ ପୂଜାର୍ଚ୍ଚନା କରି ସ୍ଥାନୀୟ ଅଞ୍ଚଳବାସିଙ୍କୁ ଭେଟିବେ ରାଜ୍ୟପାଳ।

ପରିଶେଷରେ ରାଜ୍ୟପାଳ ଶ୍ରୀ ହରିଚନ୍ଦନ ଅପରାହ୍ନ ୪.୩୦ ଘଟିକାରେ ବାଲୁଗାଁ ଅଶୋକ ନଗରସ୍ଥିତ ଉମା ମହେଶ୍ୱର ବଣିକ ସଂଘ ଅଡିଟୋରିଅମ ହଲରେ ଚିଲିକା ବିକାଶ ଓ ଉନ୍ନୟନ ପରିଷଦ ତରଫରୁ ଆୟୋଜିତ ଏକ ବୁଦ୍ଧିଜୀବୀ ସମ୍ମିଳନୀରେ ଯୋଗଦେଇ ସନ୍ଧ୍ୟାରେ ଭୁବନେଶ୍ୱର ବାସଭବନ ଫେରିଯିବାର କାର୍ଯ୍ୟକ୍ରମ ସ୍ଥିର ହୋଇଛି।