ଓଡିଶା ପ୍ରଜ୍ଞାପନ ମେଢକୁ ଆଜି ନୂଆଦିଲ୍ଲୀରେ ଗୃହ ବିଭାଗ ତରଫରୁ ଦିଆଗଲା ପୁରସ୍କାର

ନୂଆଦିଲ୍ଲୀ: ଆଜି ନୂଆଦିଲ୍ଲୀରେ ଓଡିଶାର ପ୍ରଜ୍ଞାପନ ମେଢକୁ ମିଳିଛି ପ୍ରଥମ ପୁରସ୍କାର। ରାଷ୍ଟ୍ରୀୟ ରଂଗଶାଳା ଶିବିରରେ ଏହି ପୁରସ୍କାର ପ୍ରଦାନ କରିଛନ୍ତି ପ୍ରତିରକ୍ଷା ରାଷ୍ଟ୍ରମନ୍ତ୍ରୀ ଅଜୟ ଭଟ୍ଟ। ଏହି ପୁରସ୍କାରକୁ ଗ୍ରହଣ କରିଛନ୍ତି ଓଡିଶା ସୂଚନା ଓ ଲୋକ ସଂପର୍କ ବିଭାଗର ଅଧିକାରୀ ହରପ୍ରସାଦ ମହାପାତ୍ର ଏବଂ ଏହି ମେଢର ଶିଳ୍ପୀ କିର୍ତ୍ତୀ କିଶୋର ମହାରଣା।

ଜାନୁୟାରୀ 26 ଗଣତନ୍ତ୍ର ଦିବସରେ ଏହି ପ୍ରଜ୍ଞାପନ ମେଢକୁ ଓଡିଶା ତରଫରୁ ପ୍ରଦର୍ଶିତ କରାଯାଇଥିଲା। ଏହାପରେ ସବୁ ରାଜ୍ୟର ମେଢକୁ ପୁରସ୍କାର ପାଇଁ ରଖାଯାଇଥିଲା। ଚୟନ କମିଟ ଏବଂ ଅନଲାଇନ ଭୋଟିଂ ପରେ ଓଡିଶାର ପ୍ରଜ୍ଞାପନ ମେଢ ପ୍ରଥମ ହୋଇଥିଲା। ଏହାପରେ ଗୁଜୁରାଟ ଦ୍ବିତୀୟ ଏବଂ ତାମିଲନାଡୁ ତୃତୀୟ ହୋଇଥିଲା।